Aansoek om Motsoeneng se ‘skade’ te bepaal

Hlaudi Motsoeneng. Foto: news.iafrica.com

Hlaudi Motsoeneng. Foto: news.iafrica.com

Die VF Plus het ingevolge die Wet op die Bevordering van Toegang tot Inligting (Paia), ʼn aansoek gebring om te probeer bepaal “hoeveel skade die SAUK se voormalige bedryfshoof, Hlaudi Motsoeneng, die openbare uitsaaier berokken het”.

Adv. Anton Alberts, die VF Plus se parlementêre woordvoerder oor kommunikasie, het gesê die SAUK is versoek om sekere inligting beskikbaar te stel om die berekening te doen.

Volgens Alberts het hulle die SAUK gevra om sy jongste finansiële jaarverslag, wat steeds teruggehou word, bekend te maak, sowel as dokumentêre bewyse wat die besluit staaf om 90% plaaslike inhoud op TV en radio uit te saai en dokumentasie wat alle internasionale programaankope met kostes aandui. “Van die programme sluit sepies in, soos Days of our Lifes en The Bold and the Beautiful.”

Volgens adv. Alberts is die Paia-aansoek se doel onder meer om vas te stel hoeveel internasionaal aangekoopte programme, waarvoor in Amerikaanse dollar betaal word, nie meer uitgesaai gaan word nie, weens die 90% plaaslike inhoud-kwota.

“Dit kan beteken dat miljoen dollar se voorraad moontlik afgeskryf sal moet word. Die VF Plus gaan hierdie inligting aan die Maatskappyekommissie verskaf, wat aangedui het hy is bereid om Motsoeneng se besluite as senior besluitnemer in die SABC te ondersoek vir moontlike verbrekings van die Maatskappywet, indien die nodige bewyse voorgelê word.”

Alberts het gesê indien dit blyk dat Motsoeneng roekeloos opgetree het, kan hy ingevolge dié wet persoonlik aanspreeklik gehou word vir die skade die SAUK gely het.

“Dit het tyd geword dat roekelose besluitnemers in staatsbeheerde maatskappye ingevolge die Maatskappywet se nuwe en sterker beskermingsmaatreëls, aanspreeklik gehou word vir hul vermorsing van belastinggeld.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Jan

Gegewe die omvang van verkwisting op alle fronte behoort daar ‘n spesiale eenheid geskep word om diesulke gelde van die skuldiges in te vorder. Ek meen Tuli is die ideale persoon om dit op die been te bring.

Ouma mix

Net een woord vir dai man. Skelmmmmmmmmm.

PJ

Uitstekende werk VF hoop net iets kom hiervan want lyk tot die howe se uitsprake word geminag

007

Arrogant en hardegat

Jakobus

Van wat ek verstaan, het hy die SABC so opgedinges, dat hulle blykbaar nie meer sonder hom ordentlik kan funksioneer nie.