(Argieffoto ter illustrasie)
Die Padverkeersoortredingsowerheid (RTIA) het Woensdag gesê die omstrede Wet op die Administratiewe Beregtiging van Padverkeersoortredings (Aarto) sal van krag bly totdat die uitspraak deur die Konstitusionele Hof bevestig is.
Dít volg nadat die hooggeregshof in Pretoria Aarto én die wysigingswetsontwerp op Aarto verlede week in geheel ongrondwetlik en ongeldig verklaar het.
Monde Mkalipi, RTIA se woordvoerder, sê die bepalings van die hoof Aarto-wet bestaan egter steeds en is afdwingbaar totdat die hofuitspraak bevestig is.
RTIA sal hom voorts ook by die regering aansluit, wat kort ná die uitspraak aangekondig het dat hy teen die beslissing sal appelleer.
“Daarom gaan die inwerkingstelling van Aarto voort totdat die uitspraak oor die grondwetlikheid daarvan aan alle behoorlike regshersieningsprosesse onderwerp is.”
Aarto sluit in ʼn strafpuntstelsel vir motoriste en het onder meer ten doel om minder ernstige verkeersoortredings aan administratiewe prosesse te onderwerp, terwyl die hof steeds strafregtelike verkeersoortredings sal hanteer.
In die hofuitspraak het regter Annali Basson in die guns van die burgerregtegroep Outa beslis en gelas dat die minister van vervoer en RTIA die groep se regskoste dek.
O natuurlik !!! Die hof moet nog 40 keer verklaar dat die stelsel ongeldig is dan word dit in elk geval deur geforseer. Een van die enigste regerings in die wêreld wat homself vernietig.
Die Konstistusionele Hof sal dit bevestig.
Natuurlik !!!!!
Wil seker nog gou eers ‘n paar rand onwettig bekom!!!
Die beste van alles is hulle wil my beboet omdat my kar onpadwaardig is so wat moet ons met hulle doen oor toestand van paaie en al die gate in die pad kan net lag.
Die woede van die gehoorsame burgers is besig om oor te kook!!
‘n Regter het dit mos nou “ongrondwetlik en ongeldig” verklaar, verstaan mnr Monde Mkalipi nie wat daardie drie woorde beteken nie? Ek verstaan dit nie
Ag asb tog groot praat stories.En wat kan nie eers bestuurderslesensies print nie want masjien stukkend ag asb wat n helse groot grap
Soos in elke saak het dit drie kante. Joune myne en die waarheid. Die meeste mense is teen AARTO gekant soos met alle regerings plannetjies. AARTO is die beste wetgewing wat die regime nog ooit wil laat goedkeur. Die huidige wetgewing is uitgedien, argaiës en druis juis in teen my menseregte. Waneer ‘n dagvaarding vir ‘n verkeersoortreding uitgereik word, is dit onder die Strafproses Wet van 1997. In effek het jy ‘n kriminele rekord wat tot 20 jaar teen jou naam kan wees. Die howe word deur verkeersoortredings oorval. Die AARTO wetgewing maak voorsiening dat jy die boete kan betaal, vertoë rig en geen kriminele klag teen jou naam het nie. Niemand betaal tans verkeersboetes nie. AARTO geen seker maak jy betaal en as jy nie ore het nie gaan jy o.a nie jou lisensie kan hernu nie. Wanneer jy te veel oortredings het, vat jou lisensie en gaan weer vir bestuursopleiding. Daar is baie meer voordele. Moenie jou blindstaar oor onkunde nie. As jy nie wil hoor nie moet jy voel.
Een vragie……tel dit vir die taxi’s ook…..????
Ja Chris vertel ons van die taxi’s asseblief
So jy moet skuld erken en jou boetes betaal terwyl jy nog nie in ‘n hof skuldig bevind is nie? Net ‘n spietkop kan ten gunste van AARTO wees.
Nou gaan hulle net meer geld vra voor hulle n boete skryf
Miskien moet ons die prinses ‘n kans gee om ons regstelsel te hersien en nuwe regters aan te stel nader aan die hart van ons rewolusionêre regeringslui en alle liberale beterweters. Sy kan dan ook sommer self die pos van hoofregter hanteer na al haar wedervarings tydens die 25 jaar in die oorle parlement. Sy het gelukkig reeds genoeg hooftooisels wat sal pas by haar toga. Netflix sal bloot net ‘n kamera hoef op te stel by die hofverrigtinge om miljoene te maak uit tv-kykers.
Sou jou lisensie onder die nuwe wet opgeskort word, moet jy onthou om jou versekeraar ook in kennis te stel om jou motor se versekering aan te pas. Afhangende van jou polisbewoording gaan jy heelwaarskynlik dan nie meer kwalifiseer vir omvattende dekking op jou voertuig nie, aangesien die bestuur met ’n opgeskorte lisensie teen die wet is en volgens die huidige polisbewoordings onversekerbaar is. Jou voertuig sal dan slegs gedek wees teen brand en diefstal, met die aanname dat jou voertuig wel by die adres geparkeer was, soos wat jy in jou polis gestipuleer het. Maak seker hiervan.
Die ouens wat vrae het oor my kommentaar. Die taxi verenigings verwelkom die wetgewing. Julle moet jul huiswerk doen. Doen ‘n bietjie navorsing. Hoeveel motors, vragmotors en afleweringsvoertuie is in privaat besit? Taxis ingesluit. Die knaap kry ‘n mpy motor. Hy gee nie ‘n duit om waar hy parkeer of hoe vinnig hy ry nie. Dieselfde met die taxi eienaar. Hy het bestuurders. (Het julle al gesien hoe een taxi eienaar twee of meer taxi’s op een slag bestuur) Jou plig as eienaar van die voertuig berus daarop om die boete wat die bestuurder kry (kamera’s) te laat heruitryk na die bestuurder toe. Van my kliente se uitgawes aan boetes het met 90% gedaal. Ek herlei die boete na die bstuurder toe. Dieselfde met die taxi eienaar. Hulle kry oproepe hul taxi is geskut. Betaal die boete en jou taxi kan gaan. Nie meer nie. Die bestuurder is volgens AARTO vir die boete aanspreeklik.
Die dae is verby Boet, Sus en of Mammie parkeer waar hulle wil en of ry so vinnig soos hulle wil en iemand ander betaal. Die geregistreerden eienaar kry die boete en strafpunte . As hy 15 of meer het, is hy ‘n gewoontemisdadiger. Hy gaan nie sy lisensie kan hernu nie. Vlooteienaars se karre kan gemerk word. Koos die smous jaag met die kar soos ‘n blits, en baas betaal boete. Die kar word ook “gemark”. Gaan lees die AARTO wet en kyk na die positiewe.
Ja,ja,ja (gaap)
As die hofuitspraak deur RTIA geignoreer word, kan motoriste voortgaan om hul aanmanings te ignoreer.
Duidelik soos Daglig, Dit gaan net oor Geld invordering en seker maak hulle kaders en vriende het werk!