Afsonderingsregulasies: Dís wat staat besluit jy mag aantrek

(Foto: pixabay)

Terwyl miljoene Suid-Afrikaners in dié stadium sukkel om liggaam en siel aanmekaar te hou, of selfs net om ʼn bord kos op die tafel te kry, het die regering Dinsdag regulasies in die Staatskoerant afgekondig wat bepaal presies wát Suid-Afrikaners mag koop om aan te trek.

Die bepalings wat Ebrahim Patel, minister van handel en nywerheid, afgekondig het, beheer spesifiek die verkoop van kleredrag, skoene en beddegoed tydens vlak 4 van die afsonderingstydperk. Suid-Afrikaners mag byvoorbeeld nie nou oop skoene koop nie.

Die bepalings het Dinsdag in werking getree en duur totdat vlak 4 opgehef word.

Klere wat verkoop mag word:

  • Alle kinderklere, insluitend onderklere, slaapklere, skooldrag en -skoene, skoene en sokkies
  • Swangerskapsklere
  • Slaapklere en japonne vir volwassenes
  • Onderklere

Wat betref skoene, mag jy op vlak 4 die volgende aanskaf:

  • Stewels
  • Pantoffels
  • Hakskoene waarvan die tone toe is
  • Plat skoene waarvan die tone toe is
  • Tekkies en oefenskoene
  • Formele skoene waarvan die tone toe is
  • Informele skoene waarvan die tone toe is

Kleredrag vir volwassenes:

  • Oefendrag
  • Breidrag
  • Jasse en baadjies
  • Rokke
  • Langmoubostukke
  • Langmou-T-hemde
  • Denimbaadjies en -broeke
  • Broeke
  • Rompe
  • Kortmou-gebreide bostukke wat aangedui word as dat dit onder truie of breidrag gedra word
  • Kortmou-T-hemde, maar net as dit vir warmte onder iets anders gedra word
  • Dik sykouse (leggings)
  • Korter broeke wat met stewels en dik kouse gedra word
  • Hemde mag kort- of lang moue hê, maar moet aangedui word as dat dit onder baadjies, jasse of truie gedra word
  • Gholfhemde
  • Eenstukke

Wat betref bykomstighede, is daar ook spesifieke bepalings.

Die volgende word toegelaat:

  • Serpe en tjalies
  • Musse
  • Sokkies
  • Gordels
  • Hoofbedekkings
  • Gim- en oefenbybehore
  • Haarbykomstighede

Met die winterkoue wat nou ook in groot dele van die land heers, het Patel ook spesifieke bepalings afgekondig oor watter beddegoed tydens vlak 4 geskik is vir Suid-Afrikaners.

Beddegoed wat verkoop mag word:

  • Beddegoed en komberse vir babas
  • Duvets
  • Die binneste gedeelte van ʼn duvet
  • Komberse
  • “Comforters”
  • Kwilte
  • Matrasbeskermers
  • Kussings
  • Kleiner kombersies
  • Lakens en kussingslope
  • Elektriese komberse

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

110 Kommentare

jongste oudste gewildste
Oom Hennie Pennie

Dis verregaande. Hoekom tree die opposisie party DA en ander partye soos VF nie op nie.

pokkel

Ek dra plakkies reg deur die jaar en my huidige paar is oppad einde toe, daar is plakkies op die winkel se rak, maar ek mag nie ‘n nuwe paar koop, want dit gaan veroorsaak dat almal in Suid-Afrika COVID kry en vrek?

ameli

Ag siestog ou patel jy voel seker nou baie belangrik!

Anel

DIT IS DRAKONIES! WIE IS HY! DIT IS DIE ERGSTE GRAAD VAN KOMUNISME! DIE OU HET GEEN SÊ OOR MY LEWE NIE. WAAR IS MENSEREGTE!!!!

david

Oom Hennie Pennie—volgens die berig was die “regulasie” in Dinsdag se staatskoerant gepubliseer–dis vandag Woensdag—-is jy nie bietjie haastig nie..?
Dr ROELOF BOTHA het gese die STALINSTE binne die Kainet swaai die septer….hierdie belaglike
regulasie bevestig dit.
Ons kan dalk in die MAO ZE DUNG stelsel van kommunisme beweeg waar almal eenders aamgetrek
het…..