Bongumusa Nciki. (Foto: Facebook)
Twee mans, onder wie ʼn grootkop van die ANC in KwaZulu-Natal, het Donderdag in die hof verskyn op aanklag van roekelose bestuur of, as alternatief, dat hulle oor ʼn rooi lig gery en ʼn ongelisensieerde motor bestuur het.
Bongumusa Nciki en Ivan Khoza het in die landdroshof in Durban verskyn. Nciki is die streeksekretaris van die ANC in eThekwini. Khoza is sy lyfwag.
Die staat voer aan dat die twee mans Woensdag in Lighthouse-weg gery het toe hulle dié oortredings begaan het. Dit volgens Natasha Ramkisson-Kara, streekwoordvoerder van die Nasionale Vervolgingsgesag in KwaZulu-Natal.
Die twee was na verneem word die aand op pad van 14 on Chartwell, ʼn gewilde kuierplek in Umhlanga, toe die oortredings begaan is.
Die verdagtes is R5 000 elk borgtog toegestaan en die saak is tot 10 April uitgestel vir verdere ondersoek.
Die ANC wou nog nie kommentaar oor die voorval lewer nie.
Kla sommer vir Ramaphosa van roekelose lands bestuur ook aan.
Kan nie verstaan hoekom daar nog hier gebother word. Ons weet almal niks gebeur met ‘n ANC!
Die ANC se lewens motto is……roekeloos!!!
Die 10e April is uitgevee in die boekie,
Nuwe Minister van Vervoer…..hou maar dop
Verkeersreels is vir die gepeupel.
Niks nuuts nie! Maak nes hulle wil omdat dit “hulle land” is.
beide se files gaan wegraak en saak gaan uitgegooi word