ANC probeer rooi barette ‘paai’ oor onteiening – TLU SA

(Argieffoto: pixabay)

Die landbouorganisasie TLU SA sê verdere voorgestelde wysigings aan art. 25 van die Grondwet, en dit boonop kort voor die spertyd, is “niks anders as ʼn poging om die EFF voor die verkiesing te paai nie”.

Die ad hoc-komitee het die afgelope week gevra vir ʼn uitstel van die sperdatum vir die voorlegging van sy finale verslag. Dié spertyd het om middernag verstryk.

Volgens die DA is die uitstel gevra omdat die ANC en die EFF nog nie ooreengekom het oor sekere ingrypende voorstelle wat hulle in die wysigingswetsontwerp probeer insluit nie. Die DA is gekant teen die versoek om uitstel.

TLU SA sê die komitee het Vrydag aangekondig dat hy nou die volledig art. 25 sal wysig en nie net sekere gedeeltes nie. Die gedeeltes wat volgens die organisasie hierop betrekking het, is punte wat die EFF uit die staanspoor benadruk het. Dit behels onder meer dat enige natuurlike hulpbronne en eiendom sonder vergoeding onteien kan word solank as wat dit vir ʼn openbare doel of in die openbare belang is.

“Hierdie beskrywing is doelbewus so vaag sodat enigiets wat privaat besit word, sonder vergoeding onteien kan word,” sê Henry Geldenhuys, president van TLU SA.

“Die EFF maak geen geheim daarvan dat hy ʼn sosialistiese agenda nastreef nie en hierdie voorstelle sluit 100% hierby aan. Die EFF het dit ook al duidelik gemaak dat hy onder geen omstandighede van hierdie voorstelle sal afstand doen nie. Dit is dus baie duidelik dat die ANC se ommeswaai na bilaterale gesprekke met die EFF ʼn poging is om steun te wen met die oog op die komende verkiesing.”

Die ad hoc-komitee wil vra vir ʼn verlenging van 30 dae omdat sy werk nog nie afgehandel is nie.

“Die ekstra tyd is waarskynlik versoek sodat die ANC en EFF beter kan uitwerk wie watter eiendom gaan onteien en hoe hulle daaruit voordeel gaan trek,” sê Geldenhuys.

“Die skielike aankondiging van die ANC dat die hele artikel gewysig moet word, is beslis nie om toe te gee aan die ‘deelnemende demokrasie’ soos wat die komitee se voorsitter daarna verwys nie. Dit is belangrik om na ‘die mense van Suid-Afrika’ se insette te luister, maar dit is ook belangrik om realisties te wees en te besef dat die ekonomie nie hierdie voorstelle gaan kan dra nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Renier johannes

Koop en bou julle eie plase op moet nie net wil he nie

Werner

Dit is hoekom hulle ons wil ontwapen.Jammer julle sal iets kry maar nie wat julle dink nie.

Hoekom

“When you are ruled by criminals, crime becomes law.”

Bart-Man

VF: We Fighit
DA: We Want
ANC: We Demand
EFF: We Take

Andre

Nader kruip die ….. mag en ons sit soos’n verwarde voeltjie en wag vir die finale aanslag van’n slang. Bruin en wit is nie welkom in die huidige SA nie – finish en klaar