‘ANC se onteieningswet sal Suid-Afrika vernietig’

Argieffoto: Reint Dykema

Argieffoto: Reint Dykema

Die parlementêre portefeuljekomitee oor openbare werke se aanvaarding van die nuwe onteieningswet, het fel kritiek uitgelok.

“Vandag, presies 26 jaar ná die vrylating van Nelson Mandela, staar landsburgers die grootste enkele bedreiging vir hul mense- en ekonomiese regte in die gesig.” Dít was die reaksie van Cornelius Jansen van Rensburg, uitvoerende hoof van AfriSake. “Indien die onteieningswet deur die parlement goedgekeur word, sal AfriSake die grondwetlikheid van die wet toets.”

Volgens Jansen van Rensburg gaan dié wet rampspoedige gevolge vir die land se ekonomie inhou: “Dit vernietig die belangrikste beginsel van ’n demokratiese staat, naamlik eiendomsreg. Beleggingsrisiko gaan aansienlik verhoog namate eienomsregsekerheid vernietig word; die rand sal verder tuimel en Suid-Afrika se kredietgradering sal spoedig rommelstatus behaal.”

Jansen van Rensburg het gesê benewens die feit dat alle vorme van eiendom nou deur die staat vir nasionalisering geteiken kan word, beoog die wet ook om onteieningsmag na plaaslike regerings af te wentel. “Sou die staat hierdie mag oor landsburgers se eiendom bekom, sal menseregte volgende in die regering se visier wees.”

Solidariteit het die aanvaarding van die omstrede Wetsontwerp op Onteiening as een stap nader aan rommelstatus van die Suid-Afrikaanse ekonomie beskryf.

Volgens Johan Kruger, adjunk-bestuurshoof van Solidariteit, sal die aanvaarding van die genoemde wetgewing deur die parlement dalk ANC-kiesers op die korttermyn tevrede stel, maar sal dit op die langtermyn daartoe bydra dat die ekonomie aan flarde geskeur word. “Die onlangse Nene-debakel het reeds ongekende skade aan die ekonomie aangerig. Die ANC sal nou moet besluit of hy die reeds kreupel ekonomie nog verder deur hierdie vernietigende wetgewing wil lamlê,” het Kruger gesê.

“Die onus rus op pres. Jacob Zuma om die grondwetlikheid van enige wetgewing vas te stel voordat hy dit onderteken. Ons meen daar hang verskeie vraagtekens oor die Wetsontwerp op Onteiening en dat dit pres. Zuma se plig is om verdere ondersoek na die grondwetlikheid van die genoemde wetgewing te doen,” volgens Kruger.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

65 Kommentare

jongste oudste gewildste
Kellies

Die enigste raad is: Verkoop al jou eindom vroegtydig voor die kaders dit net vat!!! Want dit is wat gaan gebeur. Dink maar net aan Zimbabwe vir een voorbeeld. Eishh!!!

m

Hulle wil ma net die grond he omdat dit aan witman behoord. Maar net nog grond wat onbewerk gaan le

Uncle Buck

As mens ‘n hond slaan hardloop hy weg totdat hy nie meer kan nie,dan verdedig hy homself. Miskien sal die mense dalk nou leer om te begin saamstaan. Die onlangse droogte het ons geleer dat as ons ,ons verootmoedig voor die Here en bid , sal Hy Sy belofte gestand doen en die land genees.

Frans

Enigiemand wat die moeite gedoen het om die ANC se ‘Freedom Charter’ te lees voordat
hy sy kruisie getrek het in die belangrikste referendum in die Suid Afrikaanse geskiedenis,sal weet dat dit niks nuut is nie omdat die ideaal netso in die ‘Freedom Charter’ vervat is.

Dit is landwyd versprei en was onderliggend aan die revolusie in Suid Afrika.Diegene wat dus gedgedink het dat dit alles net mooi ideale is sal ontnugter wakker skrik.

Frans

Enigiemand wat die moeite gedoen het om die ANC se ‘Freedom Charter’ te lees voordat
hy sy kruisie getrek het in die belangrikste referendum in die Suid Afrikaanse geskiedenis,sal weet dat dit niks nuut is nie omdat die ideaal netso in die ‘Freedom Charter’ vervat is.

Dit is landwyd versprei en was onderliggend aan die revolusie in Suid Afrika.Diegene wat dus gedink het dat dit alles net mooi ideale is sal ontnugter wakker skrik.