Die Oos-Kaapse polisie is op die spoor van vier verdagtes nadat ’n man Woensdag net voor middernag in sy huis in Port Elizabeth doodgeskiet is.
Kol. Priscilla Naidu, woordvoerder van die polisie, het in ’n verklaring gesê Trenton Jerome Bain (51) en sy verloofde was op pad om te gaan slaap toe hulle omstreeks 23:50 ’n geluid by die voordeur gehoor het. Die huis is in Coode-straat in Malabar in die noorde van Port Elizabeth geleë.
Volgens Naidu het Bain gaan ondersoek instel, waarna hy deur die voordeur geskiet is. Vier verdagtes het toe by die huis ingestorm en nog verskeie skote van naby op Bain afgevuur, voordat hulle in ’n wit VW Golf op die vlug geslaan het.
Die motief vir die moord is in die stadium onduidelik, het Naidu gesê.
Die polisie doen ’n beroep op die publiek om enige inligting rakende die voorval by speursers. Mario Malgas by 082 442 1816 of die Gelvandale-polisie by 041 402 2050 aan te meld. Alle inligting sal as vertroulik hanteer word, het Naidu verseker.
Hulle soek altyd inligting sonder enige beskrywings. Vertel my ook hoe dit werk.
Stem 100% saam
Ek stem saam hoe kan enige intelegente persoon inligting verwag maar wil geen beskrywing van die verdagtes gee nie.
Dis maar net weer die ou rasse kaart wat gespeel word.
Dit klink soos n hit… begin maar by sy vyande… of soek iemand daaroor ook n beskrywingkie?
Wit VW Golf…. dalk dieselfde ouens wat Johan Reed van Alberton uitgehaal het. Hoop hulle word gevang.