Ballito-ma weer in hof

Maroela Media het verneem dat die gesinstragedie hom in dié woonkompleks in Ballito afgespeel het. (Foto: Tania Heyns/Maroela Media)

Die saak teen die ma van Ballito aan die KwaZulu-Natalse Noordkus wat weens die moord op haar kleuterdogtertjie (4) aangekla word, is tot volgende maand uitgestel. Sy bly tot dán in aanhouding.

Madelein Ackerman (45) het Donderdagoggend weer in die landdroshof in KwaDukuza op aanklagte van moord verskyn waar die saak tot 9 Junie uitgestel is.

Natasha Ramkisson-Kara, provinsiale woordvoerder van die Nasionale Vervolgingsgesag (NVG), het aan Maroela Media gesê die saak teen Ackerman is uitgestel vir verdere ondersoek en moontlike verdere pleitonderhandelinge.

Ackerman se regsverteenwoordiger, Alistair Janssens, het tydens sy kliënt se vorige verskyning verlede week ook versoek dat die saak uitgestel word sodat “pleitonderhandelinge” kan geskied.

Die landdroshof in KwaDukuza. (Foto: Tania Heyns/Maroela Media)

Janssens het voorts versoek dat die staat ’n afskrif van ’n beweerde bekentenis wat Ackerman glo ná die moord afgelê het, aan die verdediging verskaf.

Ackerman is sowat twee weke gelede in hegtenis geneem nadat sy na bewering haar kleuter in ’n emmer vol water by haar huis in ’n gegoede woonbuurt op Ballito verdrink het.

“Die ma het aan polisielede vertel dat haar kind moeilik was en haar gepla het, daarom het sy besluit om die kind in ʼn emmer vol water te verdrink totdat sy ophou beweeg het,” het die polisie kort ná die moord gesê.

Albei die dogtertjie se hande was glo met kleefband vasgebind. Sy is op die toneel dood verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Bella

wat???? Liewe hemel! wat het deur daai ma se kop gegaan om so iets aan te vang. ek het nie eers woorde nie!

Misky

Sy is die naam “ma” nie werd nie. Hoop daai tronksel se sleutels raak weg!!

Miena

My kinders pla my ook… soms… maar ek het nog nooit daaraan gedink om hulle te vermoor nie. o Nee ek het ene beter gedoen, ek het hulle almal geregistreer as orgaan skenkers en hulle betaal maandeliks n fooi aan die betrokke organisasie. Dis hoe dit is by ons. Jy pla my, ek maak seker dat jy betaal op 1 of ander manier… maar jy sal lewendig wees terwyl jy dit doen.

Althes

Arme kleuter. Watter vrees moes sy nie ervaar het nie. Dis wreed van die ma.

JohanR

Ander storie van ‘n Ma…..toe ek nog ‘n tjokker was net net besig om om my eie voete rond te beweeg is ek deur ‘n swart man in Rhodesia gered. By ons huis was my Pa besig om loopgrawe te grou vir riool pype wat vol reen water geloop het. My Pa was die dag by die werk en my Ma was besig om wasgoed met die hand te was toe sy sien ek val in een van die loopgrawe vol water. Sy kon nie die swart taal praat nie, maar met angs vir die jong tuinier beduie ek is… Lees meer »