Bavuma ná kniel-herrie: ‘Ons respekteer sy besluit’

Die Proteas het Dinsdag in Dubai die Wes-Indiese Eilande met agt paaltjies in ’n Wêreldbeker-wedstryd geklop.
(Foto: Aamir QURESHI/AFP)

“Quinton is ʼn volwassene. Ons respekteer sy besluit. Ons respekteer sy oortuigings. Ek weet dat hy agter enige besluit sal staan wat hy ook al geneem het.”

Só het Temba Bavuma, Protea-kaptein, Dinsdag op ʼn nuuskonferensie reageer nadat Quinton de Kock hom aan die Proteas se tweede groepwedstryd teen die Wes-Indiese Eilande onttrek het.

Dit het gevolg kort ná ʼn opdrag van Krieket Suid-Afrika (KSA) dat elke speler die knie vóór die oorblywende Wêreldbeker-wedstryde moet buig in solidariteit met die Black Lives Matter-beweging (BLM).

Die Proteas het uiteindelik Dinsdag se wedstryd teen die Wes-Indiese Eilande met agt paaltjies gewen.

Volgens Bavuma is die span eers Dinsdagoggend van die raad se bevel ingelig. “Ek dink die rit (stadion toe) was omtrent een en ʼn half tot twee uur lank. Quinton het in daardie tyd sy besluit geneem. Ons het dit uitgevind, ook ék as kaptein, toe ons by die kleedkamer kom.

“Uiteraard is Quinton ʼn groot speler vir die span, nie net met die kolf nie, maar die rol wat hy vanuit ʼn senior oogpunt speel en om as kaptein dit nie tot my beskikking te hê nie, was natuurlik iets waarna ek nie uitgesien het nie.”

Bavuma erken die gebeure het tot die moeilikste dag van sy kapteinskap tot dusver gelei.

“Ek weet nie hoe ver die ding gaan ontwikkel nie. Maar sover dit ons aangaan, is Quinton steeds een van die spelers. Hy is steeds een van ons, so watter ondersteuning hy ook al nodig het, watter skouer hy ook al van sy spanmaats vereis, ons sal daar wees vir hom.”

Quinton de Kock. (Foto: Sajjad Hussain/AFP)

De Kock het tot dusver staande gebly terwyl die res van sy spanmaats kniel of ʼn vuis in die lug steek ter ondersteuning van BLM. Hy het vantevore gesê dat dit ʼn persoonlike keuse is om staande te bly.

“My rede? Ek sal dit vir myself hou. Dit is my eie persoonlike opvatting. Dit is elkeen se eie besluit. Niemand word gedwing om iets te doen nie. Nie in die lewe nie. Dit is hoe ek dinge sien,” het De Kock destyds gesê.

KSA se raad het Dinsdag nadat De Kock se besluit aan die lig gekom het ʼn tweede verklaring uitgereik en gesê hy neem kennis van De Kock se persoonlike besluit om nie te kniel nie. Volgens die raad wag hy vir ʼn verslag van die Protea-spanbestuur voordat daar oor die volgende stappe besluit sal word.

Die KSA-raad het gesê die besluit om die Proteas te dwing om te kniel is ten einde ʼn verenigde standpunt teen rassisme in te neem.

“Die verbintenis om rassisme die nekslag toe te dien is die gom wat ons moet verenig, saambind en versterk,” het Lawson Naidoo, KSA se raadvoorsitter, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

102 Kommentare

jongste oudste gewildste
Pieter

So gaan hy nou sy “werk” verloor omdat hy nie wou kniel nie? Hierdie nonsens moet ent kry, en al hoe dit gaan stop is as die ondersteuners hulle stem duk maak. Bly weg van die stadions, en moenie dit op TV meer kyk nie. As daar nie ondersteuners is nie,is daar nie meer n span nie. Die poletiek neek alles op in hierdie land

Marius

Dit is asof KSA die span se kanse om die toernooi te wen in die wiele wil ry.
Hulle het geen skaamte oor mag en gesag nie. Siestog KSA , is dit beste wat julle het???
Pateties!!!

Ouvrou

Quinton, jy het al my respek. ‘n Man so na my hart.

Kompas

Ag nee regtig! BLM is nou al holrug gery. Alle lewens maak saak.

Jubba

Ja wys vir almal in die land is ras meer belangrik as verkragting en kindermishandeling en moord en enigiets anders maar hoekom is die KSA narre nie ook daar om heel voor te buig nie dis mos hulle idee?