Beampte maak moordenaar swanger

Argieffoto: SAPD

ʼn Polisiebeampte van Noordwes is afgedank nadat hy glo ʼn gevangene, wat verhoorafwagtend vir moord was, swanger gemaak het.

Volgens kol. Adéle Myburgh, polisiewoordvoerder, het die voorval in Oktober verlede jaar plaasgevind terwyl die gevangene by die Stilfontein-polisiestasie in aanhouding was.

“Die vrou is voor haar hofverskyning van die Rooigrond- korrektiewe sentrum in Mahikeng na die Stilfontein-aanhoudingselle oorgeplaas. Sy is intussen 30 jaar tronkstraf opgelê en weer tronk toe geneem.”

Die vrou het egter in Maart vanjaar ontdek dat sy swanger is en bewaarders het die polisie in Stilfontein daarvan in kennis gestel.

“ʼn Saak is nie teen die betrokke beampte gemaak nie, maar hy is in Augustus tydens ʼn departementele verhoor, ingevolge die polisie se dissiplinêre regulasies, afgedank,” het Myburgh gesê.

Lt.genl. Sello Kwena, die provinsiale polisiekommissaris in Noordwes, het gesê onetiese gedrag sal nie in die polisiediens geduld word nie.

“Gedrag soos dié gee die polisie ʼn slegte naam.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Gerhard

Uhm……..nee gedrag soos die gee nie die polisie n slegte naam nie, die polisie het alreeds n slegte naam….en ek is so jammer vir die lojale, eerbare polisiebeamptes wat by hierdie slegte naam ingesleep word. Ek het familie en vriende in die polisie wat al te skaam is om na ure in hulle uniform gesien te word en wil nie eers vir mense se dat hulle vir die polisie werk nie. jammer dat almal onder dieselfde kam geskeer word.

Anel

Asseblief! Hulle kan nie ‘n nog slegter naam kry as wat hulle alreeds het nie!

A

Nie “swanger maak” nie.

Verkrag.

Hy het haar verkrag.

Irene

“Oh my word”

Chris dupreez

Wow.