ʼn 86-jarige vrou is Sondag omstreeks 18:00 in haar huis by die Edenpark-aftreeoord in Witbank, Mpumalanga, vermoor.
Brig. Leonard Hlathi, woordvoerder van die polisie, sê beamptes is na die huis in Fuchsiastraat ontbied waar die liggaam van die vrou aangetref is. “Sy het verskeie meswonde aan haar rug en nek opgedoen. Haar hande is agter haar rug vasgebind en ʼn mus is in haar mond gedruk. Seep is oor haar gesig uitgegooi,” het hy gesê.
Die verdagte het met die vrou se wit Honda Jazz en haar selfoon van die toneel gevlug.
“Verdere ondersoek het die polisie na Krugersdorp gelei waar die motor verlate gevind is. ʼn Soektog is van stapel gestuur na die verdagte.”
Enigiemand met inligting word versoek om kol. One Thobejane te kontak by 079 891 5845 of 08600 10111. SMS’e kan aan 32211 gestuur word.
Dit is verskriklik erg om so n hoë ouderdom so wreed doodgemartel te word. Die hartelose moordenaars sal wel eendag hul ewige straf ontvang.
Ek staan hier en kry hoendervleis van afsku en magteloosheid. Hoekom verneder en martel iemand ‘n bejaarde vrou so vir net ‘n selfoon en ‘n “joyride” met haar motor? Siek, siek mense wat so iets doen. So hartseer. Baie simpatie met familie en vriende. Mag hierdie vrou in vrede rus.
Ai hoekom so n ou mensie vermoor
Dit is sulke dinge wat selfs vir my ook laat kla. Watter tipe sekuriteit het hierdie aftree oord?
Wanneer gaan daar begin word om te vergeld?
Vergelding is nie in ons bloed nie Ralph. Ons is mense… Mense doen nie sulke goed aan ‘n ander mens nie.
Ek het nog nooit gedink dat ek ooit eendag sou sê dat ek my land Suid-Afrika haat nie. Ek was in my vroeë dertigs toe die ‘Nuwe SA’ aan ons verkoop is. Onderduimse onderhandelinge deur die NP met ANC het die witmense uitverkoop. Ons ouers het gesê ons moet kalm bly, ter wille van ons klein kindertjies. Hóé ouer my generasie word, hoe meer lees jy van die ‘ sell-outs’. Die moorde se bloed is op die uitverkorpers se hande.
Die uitverkopers wat vandag nog asem haal voel vere vir al die moorde, geweld en korrupsie. Hulle lewe in weelde en word beskerm
Is aftree oorde nie veronderstel om bietjie meer sekuriteit aan die ouer mense te gee nie?
My eerste ondervraging sal by die sekuriteits beampte begin. Hulle ken gewoonlik die inwoners se motors so hoe het hierdie beampte toegelaat dat die voertuig die gronde verlaat? Tensy hulle saam konkel.