Lira (Foto: Lira, Facebook)
Lira, bekroonde Suid-Afrikaanse jazz-sangeres, het Dinsdag ’n beroerte gehad terwyl sy in Duitsland was vir ʼn optrede.
Die 43-jarige sangeres se familie het op haar Facebook-blad geskryf dat die beroerte haar vermoë om te kommunikeer, veral haar spraak, beïnvloed het.
“Sy ondergaan behandeling in Suid-Afrika. Sy is onder die sorg van die beste mediese span. Sy is opgeruimd en word deur haar liefdevolle familie en goeie vriende ondersteun,” lui die boodskap.
Lira se mediese span het aan die familie gesê dat haar herstelpad geduld sal verg en dat sy waarskynlik nie gou weer op die verhoog sal verskyn nie.
Die familie het die publiek bedank vir hul gebede en omgee.
Lira het sowat 16 jaar gelede opslae in die Suid-Afrikaanse musiekbedryf gemaak met haar liedjie “Feel Good”. Dié liedjie het haar ʼn bekende stem op radiostasies gemaak.
Baie talentvolle sangeres, dis jammer.
Sterkte Lira….
wat ‘n jammerte, pragtige mens met pragtige stem.
Ag nee, sy het ‘n wonderlike stem!
Sterkte vir haar en familie. Sy is pragtig
Baie jammer. Sy is nog so jonk.
Heelwat beroertes onder die jong mense deesdae, praat nie eens van die hartaanvalle nie.