’n Groot hoeveelheid persoonlike beskermingstoerusting (PPE) wat vir skole in Umlazi, in die Pinetown- en Zululand-distrik in KwaZulu-Natal bestem was, het weggeraak. Dié toerusting is miljoene rande werd en het glo onderweg na die kantore en skole in die distrik verdwyn.
Die toerusting is bedoel om skole in staat te stel om die nodige veiligheid- en gesondheidsmaatreëls te implementeer om die verspreiding van Covid-19 te verhoed wanneer skole weer oopmaak.
Kwazi Mshengu, die LUR vir onderwys in KwaZulu-Natal, sê die verdwyning van die toerusting kniehalter die planne om skole in die distrik voor te berei vir wanneer hulle eerskomende Maandag weer moet heropen.
“Om hierdie toerusting te vervang, gaan die departement miljoene rande kos. Dit is geld wat die departement nie het nie,” sê Mshengu.
Mshengu het die provinsiale hoof van die onderwysdepartement versoek om dringend ondersoek in te stel na die verdwyning van die toerusting.
Nog geen verdere inligting is bekend oor wat presies met die toerusting gebeur het nie.
Gewetenlose skelms. Net as ek gedink hetniks kan my meer skok nie.
Glo nie n woord nie dis beplan sal wel uitkom teen n prys. Die klomp is skelm
Goed verdwyn nie sommer net nie. Daar is seker voor betaal maar nooit gelewer nie
“Verdwyn” beteken dit bestaan nie meer nie, wat ‘n mooi woord vir DIEFSTAL.
ja die kaders het inside information gekry……. want wie het geweet waar word dit geberg ……… die skelm werk vir department
Werk so in afrika niks snaaks nie
Abrakadabra. Poof!
Hoe verdwyn miljoene rande se toerusting?
Hoe dan anders?
Kyk op BidOrBuy of een van daai plekke. Amper seker ‘n ANC kader sal dit daar verkoop.
So alte nou gelees dat die president van Zimbabwe se seun en sy lyfwag betrek word met korupsie aangaande die PPE’s daar. En KZN en Zimbabwe is nie so ver van mekaar nie.
Net so sal die kospakkies ook verdwyn. Dis nou maar die norm in hierdie land
Nou Mr Ramaphosa, vra nou weer die rede vir ongelykheid. Ons skud net ons gesamendlikke koppe.
En soos in die laaste dekades is dit weer die armes wat aan die kortste end trek.
Gaan ondersoek van die personeel of unie lede vir die verdwyning ook want dit is hulle wat enige iets sal doen om nie terug te gaan werk toe nie. Vertragings tegniek