Betaal eers voor ons brandstof ingooi

petrolpompVulstasies het begin om motoriste te versoek om eers te betaal voor daar brandstof in hul motors gegooi word weens mense wat wegry sonder om te betaal, berig Beeld.

“Daar is definitief ʼn toename in voorvalle waar mense wegry sonder om te betaal,” het Gavin Smith, woordvoerder van Engen, aan die koerant gesê. Hy sê die voorvalle het veral die laaste ses maande en vandat die petrolprys tot meer as R10 per liter gestyg het, erg toegeneem.

“Ons skryf dit toe aan die ekonomie en die hoë brandstofprys.” Volgens die berig het dit so erg geword dat ʼn Engen-vulstasie in Auckland Park, Johannesburg ʼn kennisgewing aangebring het dat petroljoggies opdrag gegee is om eers vir betaling te vra voor hulle brandstof ingooi gedurende “hoë-risiko periodes.”

Die hoë-risiko periodes waarna verwys word, is vroegoggend en laataand. – Sapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Veronica Deacon

Geen probleem.

Jasper

Sommige mense het n verkeerde begrip van selfhelp. Waarom kan ons nie dmv n munt of kaartmasjien vooraf betaal en self ingooi en dalk n sent of twee bespaar nie ?

Paul

Die prys van petrol in Gauteng was laas in Augustus 2011 onder R10 per liter gewees. So die ou sê dat dit al ‘n groot probleem is vir die afgelope twee en ‘n half jaar?