Bielie van ʼn diamant in Cullinan gevind

425.10 karaat D-kleur Tipe II-diamant wat op 29 Maart 2019 by Cullinan gevind is (Foto: Petra Diamonds)

Petra Diamonds het gesê hy het ʼn knewel van ʼn diamant Vrydag by Cullinan-diamantmyn gevind.

Marianna Bowes, woordvoerder van Petra Diamonds, het in ʼn verklaring gesê die steen is ʼn 425.10 karaat D-kleur Tipe II edelgesteentegehalte diamant.

“Dié vonds is ʼn verdere bewys dat daar steeds stene van dié aard in Cullinan beskikbaar is en is ʼn teken van die myn se vermoë om die volledige spektrum diamante uit te haal.”

Die steen sal na verwagting later vanjaar verkoop word.

Cullinan is bekend vir sy groot, hoëgehalte edelstene, insluitend Tipe II-stene en die wêreld se belangrikste bron van uiters seldsame blou diamante.

Cullinan het sy naam in die geskiedenisboeke verewig toe die Cullinan-diamant in 1905 gevind is, die grootste ongeslypte diamant ooit – 3,106 karaat. Dié steen is in twee gesny en is die twee belangrikste diamante in die Britse kroonjuwele.

Talle van die wêreld se bekendste diamante kom uit Cullinan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Oppas

Julle maak sulke goed bekend passop vir “inside” jobs om julle te roof. Baie gevaarlik in SA.

Jerry

Bo en behalwe inside jobs, kan hulle in hulle massas Cullinan toe stroom. Dit het nou onlangs gebeur op n plek waar goud ontdek was. In SA noem jy nie plekke se name nie! “Son of a soil” gaan se dit behoort aan die gepeupel!

Disselboom

Die feitefoute in hierdie artikel is darem net te woes om sonder kommentaar te laat verbygaan, en ondersteun ongelukkig die persepsie van baie Engelssprekendes oor Afrikaners wat nie regtig veel van die mynwese se handelskant weet nie: een regstelling: die Cullinan-diamant is nie net in 2 dele geslyp nie, maar in 105 dele, waarvan 9 groot diamante was, die grootste twee 530 en 317 karaat onderskeidelik. Diamante is fassinerend, en beriggewing daaroor mag gerus so bietjie beter ingelig wees.

lion

Ek wens ek kan so iets uit my backyard uirhaal..?sal nogal lekker wees…hehe dan word my erf ‘n myn verklaar…wara wara dis lekker om te kan droom… ja suidafrica se culinan kan verewig trots wees op sulke fondse….dia baie groot

Elize

Oppas Petra Diamonds. Een van die dae kom breek hul jul hekke af om daar te delf. Die land behoort mos aan OUR PEOPLE, en wat hulle wil hê, die vat hulle. SAPD staan gewoonlik veilig weg en monitor die situasie, want hulle is net so magteloos soos wetsgehoorsame burgers.