BLF se uitlatings oor Driehoek-tragedie ‘haatspraak’ – hof

Lindsay Maasdorp. (Foto: Facebook)

Die gelykheidshof in Johannesburg het bevind dat die BLF wél haatspraak gepleeg het toe hulle destyds die dood van vier leerders van Hoërskool Driehoek in Vanderbijlpark op sosiale media gevier het.

Die BLF se woordvoerder, Lindsay Maasdorp, en die adjunksekretaris-generaal, Zwelakhe Dubasi, is ingevolge die hofbevel verplig om R50 000 aan elk van die vier oorlede leerders se gesinne te betaal. Dié betalings dien as skadevergoeding vir die skending van die gesinne se reg op gelykheid, hul waardigheid, emosionele en sielkundige pyn, lyding, vernedering en aftakeling wat weens die haatspraak berokken is.

Maroela Media het vroeër berig dat Solidariteit met ʼn strafsaak teen die party en sy twee lede begin het oor die uitlatings wat hulle in 2019 oor die Hoërskool Driehoek-tragedie gemaak het. Vier leerders van dié skool is dood en minstens 20 ander beseer nadat die betonvloer van ʼn loopbrug by die skool ingegee het.

Maasdorp het onder meer op sosiale media geskryf: “I would ‘mourn’ the deaths of the victims if they turned out to be black but ‘celebrate’ them if they were white.”

Hy het ook bygevoeg: “If our God has finally intervened and our ancestors have petitioned and seen that these white land thieves have now died then I definitely celebrate it. I celebrate the death of our enemies, their children, their cats and their dogs. That is our position.”

Die nuwe brug by Hoërskool Driehoek. (Foto: Tania Heyns/Maroela Media

Die ouers van die vier leerders wat gesterf het, het ná afloop van die uitsprake ʼn mandaat aan Solidariteit gegee om die saak verder te voer.

Die hof het in sy uitspraak verder beveel dat die respondente verbied word om hul uitlatings op enige sosiale- of massamediaplatform te herhaal. Maasdorp en Dubasi is ook verplig om hul destydse kommentaar en enige verwysing daarna van sosiale en openbare kommunikasieplatforms te verwyder.

Maasdorp en Dubasi moet ook ʼn geskrewe verskoning aan alle Suid-Afrikaners publiseer, waarin hulle erken dat hul uitlatings haatspraak was. Die respondente se geskrewe verskoning moet ook aan die Suid-Afrikaanse Menseregtekommissie (MRK) vir verspreiding gestuur word.

Die hof het Maasdorp en Dubasi verder verplig om Solidariteit en die gesinne se regskoste te betaal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

44 Kommentare

jongste oudste gewildste
domheks

Mooi so!!! Elke hond kry sy dag maar ‘n brak kry sommer ‘n naweek!

Jr

Aah nou het jou getwiste haat jou te duur gekom. Ooh as daar twee organisasies wat hulle werk ken is dit Solidariteit en Afriforum.

Pietertjie

Nou wag ons vir die appèl-sake.

BOKKIEBEK

GESPUIS!!!

Benita

GEMORS!!!!!!