Bloedvlekke, liggaam onder beddegoed ná moord op Viljoenskroon-kleinhoewe

(Argieffoto: Kent Williamson)

Die liggaam van ʼn kleinhoewe-eienaar van Viljoenskroon is Sondagoggend onder beddegoed gevind nadat ʼn buurman na die man gaan soek en talle bloedvlekke deur ʼn gebreekte venster gesien het.

Brig. Motantsi Makhele, polisiewoordvoerder in die Vrystaat, het gesê die buurman was omstreeks 06:00 vanoggend op die kleinhoewe nadat hy die slagoffer nie vroeër in die hande kon kry nie.

“Met sy aankoms by die huis het hy op ʼn oop venster afgekom. Die diefwering was gebreek. Hy het deur die venster gekyk, bloedvlekke teen die mure gesien en dadelik die polisie gekontak,” het Makhele gesê.

Die polisie het die man se liggaam op ʼn bed aangetref. Hy was met beddegoed bedek en talle bloedvlekke kon gesien word.

Na verneem word, het die slagoffer alleen op die Avondster-kleinhoewe in Fortunastraat gewoon.

“Die slagoffer is met ʼn elektriese koord vasgebind en het verskeie steekwonde aan sy kop gehad,” het Makhele gesê.

Sy Toyota Hilux word in hierdie stadium vermis.

“ʼn Saak van moord en gewapende roof word ondersoek,” het Makhele gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Riana

Ek is stom

Persheks Adri

Nog sinnelose moord en dit vir wat? My hart is stukkend om die artikels te lees en die manier hoe die mense vermoor word… Elke keer ‘n boodskap vir ons

Kompas

En weereens nog ń sinnelose moord op ń onskuldige lewe. Waar is ons veilig???

Werner

Na al die optogte vandag ons Sal weer n Senekal 1 senario moet kry

Anel

En dit word so stil gehou!! Is meer bekommerd of mense virus 19 het. Siek man.