Boer weer in hof oor ‘geweld teenoor swartes’

hof-hamer

Argieffoto.

Die Suid-Afrikaanse Nasionale Burgerlike Organisasie (Sanco) het geëis dat ʼn boer van Bronkhorstspruit, wat in hegtenis geneem is nadat hy na bewering geweld teenoor swart mense op Facebook aangehits het, nie op borgtog vrygelaat word nie.

Leon du Plessis, wat in polisieaanhouding is sedert hy drie weke gelede in hegtenis geneem is, sal Dinsdag weer in die Bronkhorstspruit-landdroshof verskyn om vir borgtog aansoek te doen. Du Plessis se borgtogverhoor is voorheen uitgestel omdat hy ʼn Afrikaanse tolk teenwoordig wou hê.

Du Plessis het glo vroeg in Februarie ʼn prentjie op Facebook geplaas van die silhoeët van ʼn man wat ʼn haelgeweer vashou met ʼn bloedspoor agter hom en die woorde, “Die boere is gatvol”. Hy staan tereg op aanklagte van aanhitsing tot geweld en misdaad, die besit van ploftoestelle, die onwettige besit van ammunisie en die besit van vuurwapens wat nie in ʼn kluis toegesluit is nie.

Jabu Mahlangu, Sanco se nasionale woordvoerder, het gesê die polisie het glo ʼn klopjag op Du Plessis se huis gedoen waartydens daar onder meer 1 300 koeëls gevind is.

Mahlangu het die mense geloof wat die owerhede in kennis gestel het van Du Plessis se inskrywings op Facebook. “Die wenk [aan die owerhede] bevestig dat nie alle wit mense, en spesifiek Afrikaners, rassiste is nie. Die meerderheid mense verwelkom versoening, nasiebou en sosiale samehorigheid,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

53 Kommentare

jongste oudste gewildste
Michael

Hier bewys ek nou weer my stelling omdat dit nou ‘n wit persoon is wat swart mense te na gekom het word ras en kleur gebruik maar die vorige berig is so vaag ek kan geen sin maak daarvan wees konsekwent

Pieter

Maar die duisende ander wat boere uitmoor loop los in die strate rond net om nog meer geweld te pleeg!

Acca

Ek stem saam dat hy gearresteer word,maar hoekom word die swart mense wat ook moord op blanke mense aanhits nie ook dadelik arresteer met dieselfde entoesiasme as wat dit hier gedoen word nie. Is dit nie bietjie rassisties nie ??

sannie

Nou vra ek jou met trane in my navy blue eyes…. Wat is rasisties daaraan om te se dat die boere gatvol is? Mis ek erens iets? Wat as hulle erger dinge oor ons skryf en se? Wat van vryheid van spraak? Klink of dit net eensydig is.

Dirk T

Wonderlike regstelsel. Dit kan gebruik word om een groep te bevoordeel en ‘n ander groep swaar te straf.