Misdadigers wat hulle glo as staatsamptenare voordoen, probeer boere se behoefte aan hulpfinansiering uitbuit.
Die beweerde swendelaars stuur teksboodskappe vir niksvermoedende boere wat aansoek om ʼn landbou-Covid-19-hulpfonds gedoen het, en bied aan om hul aansoeke te versnel as hulle R2 000 in ʼn bankrekening inbetaal.
Die teksboodskap lui soos volg: “Ons sien jy het verlede jaar aansoek gedoen om ʼn landbou-Covid-19-fonds van R50 000. Ons wil dit vinnig verwerk. Stuur R2 000 sodat ons dit voor Desember kan afhandel. Capitec Bank W. WALSH Rek no: 1332654701 Takkode 470010.”
Die departement van landbou, grondhervorming en landelike ontwikkeling het dit onomwonde gestel dat dié boodskap baie duidelik ʼn bedrogspul is en gesê hulle wil graag lede van die publiek, veral boere, waarsku teen skelms wat hulle as staatsamptenare voordoen.
Die departement doen ook ʼn beroep op alle boere om versigtig te wees vir hierdie bedrieglike aktiwiteite wat deur anonieme en gewetenlose mense gekoördineer word. “Boere en lede van die publiek moet weet dat hulle nie geld vir enige staatsdiens hoef te betaal nie, veral nie vir ʼn landbouhulpfonds wat ten doel het om die trefslag van Covid-19 te versag nie.”
Die departement sê hulle het reeds al die aansoeke wat van boere ontvang is, afgehandel en die proses is nou gesluit.
Die boere is per teksboodskappe in kennis gestel of hul aansoeke suksesvol was.
Kan die SAP of Valke nie die telefoon van die Rakker naspeur en die man/manne vasvat nie. Korrupsie seevier deesdae in ons land.
Wat meeste mense nie weet nie en wat meeste mense alreeds weet , en dit sluit in die krimineel, is dat jy n SIM kaart op straat kan koop, en die owerhede het nie ń idee wie wat waar, ongeag die RICA wet.
So,
Dit is die werklikheid.
MAW
Dit is vrek moeilik om n cell nommer te “trace”, wat nie aan die misdaadiger ge koppel kan word nie.
Sommige mense noem dit n “Burner Phone”?
Elke week is daar n ander cell nommer!
Elke dag ‘n nuwe slenter, en die useless SAP en Valke is wel…. net te useless!
Kan die bankrekening nommer nie aan sekere persoon gekoppel word nie ? Mens het seker ID nodig om rekening oop te maak ?
Wat van Fica/Rica/Popi wetgewing. bewys van woonadres moet mos geverrifieer word, weet mos waar hy dus woon.
Die oomblik as n persoon iets sien soos “gee eers geld dan help ons” moet nou voorwaar begin wakker skrik, dis tipies hoe slenters klink :-(
Julle foto by die berig is verspot.????
Weet niemand dan dat daar geen fonds meer beskikbaaris? Dit het sommer net “verdwyn”
As iemand vrywillig geld oorbetaal in ‘n onbekende se rekening, is dit slegs, en slegs, jou eie skuld.
Vrot tot op die been
Daar is so baie van die tipe goed wat gebeur. Ek besef die boere voel seker magteloos oor hulpfonds, maar as iets te goed klink om waar te wees is dit gewoonlik.
Inside job…..net die boere wat aansoek gedoen het, is geteiken.