Botswana-polisie skiet nege dood

(Argieffoto: Hansie Linde)

Van die nege mans wat Woensdag in ʼn skietgeveg met die polisie in Gaborone, Botswana, dood is, is Suid-Afrikaners.

ʼn Wilde skietgeveg het by die Main Mall uitgebreek nadat 11 gewapende mans ʼn transitovoertuig aangeval het.

Volgens Dipheko Motube, polisiewoordvoerder in Botswana, het die rowers met sowat 986 000 pula (amper R1,3 miljoen) van die toneel gevlug. Polisiebeamptes het die rowers agtervolg en ʼn skietgeveg het uitgebreek waartydens nege van die rowers doodgeskiet is.

ʼn 30-jarige vrou van Botswana, wat saam met die rowers was, is in hegtenis geneem. Daar is op vier pistole en ʼn AK-47 beslag gelê. ʼn Onbekende bedrag kontant is ook teruggekry.

Dit is nie duidelik wat van die ander twee rowers geword het nie en die polisie het ook nie bekend gemaak hoeveel van die slagoffers Suid-Afrikaanse burgers was nie.

Dit kom net twee dae nadat agt transitorowers tydens ʼn skietgeveg met die polisie in Rosettenville, Johannesburg, dood is.

Agt verdagtes is ook tydens dié voorval in hegtenis geneem. Volgens die polisie was daar ’n groep van 25 transitorowers en is daar inligting ontvang dat hulle van plan was om ’n geldwa te beroof, waarna polisiebeamptes hulle begin dophou het en toe Maandagmiddag toegeslaan het. Die rowers is glo van KwaZulu-Natal, Zimbabwe en Botswana.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Jean

Ek glo hulle regstelset is beter as ons sin, so die rowers wat nog lewe gaan lank in die tronk sit.

MakersMark

Botswana 8 – SA 0

Rudolf

Stem saam. Hulle speel nie met kriminele daar nie…..

Pannies

Dis hoe dit gedoen moet word om die euwel te stop.

Lillian

Live by the sword, die by the sword! Well done Botswana!