‘Chaotiese grondgryp’ sal nooit gebeur, sê Ramaphosa

Pres. Cyril Ramaphosa aan die woord. (Foto: ANA)

Pres. Cyril Ramaphosa het Maandagaand gesê Suid-Afrika sal nooit chaotiese grondgryp beleef nie, ondanks onlangse spanning oor die regering se grondhervormingsprogram.

“Kom ons vind saam oplossings. Die een ding wat ek nog altyd gesê het, is dat grondgryp nooit toegelaat sal word nie. Ons gaan hierdie probleem saam uitwerk en oplossings daarvoor vind wat geskik is vir Suid-Afrika. As Suid-Afrikaners het ons al oplossings vir die moeilikste en hardnekkigste probleme gekry,” het Ramaphosa gedurende ʼn verkiesingsveldtog in Lynnwoord, Pretoria, gesê.

“Ons het groot denkers in ons land en daardie denkkrag gaan ingespan word om seker te maak dat ons oplossings [vir grondgryp] vind. Hoewel ons in ʼn land woon waar privaat besit bestaan, het ons ook ʼn gemengde tipe stelsel. Daar is privaat eienaarskap én gemeenskaplike eienaarskap. Die land wat geëis word, is vir gemeenskaplike eienaarskap en die Grondwet erken dit.”

Die president is gisteraand vergesel deur senior ANC-lede, onder wie David Makhura, die Gautengse premier, en Kgosi Maepa, Tshwane-ANC-streeksvoorsitter.

Verskeie mense in die ouditorium het vrae gevra oor die herverdelingsprogram wat deur die ANC gesteun word. In sy antwoord het Ramaphosa dit duidelik gemaak dat die vraag oor grond onvermydelik aangeraak sal word.

“Ons het nog altyd gesê ons het ʼn Grondwet en daar ʼn grondwetlike proses wat tans aan die gang is. Die Grondwet is waaraan ons moet voldoen. Ons is wetsgehoorsaam. Ons moet die belange van alle Suid-Afrikaners verseker,” het die president gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Herman P

Cyril is reg.
Dit gaan Verantwoordelike Grondgrype wees.
Polisie staan en kyk en ons kan niks doen daaraan nie.
Soos voorheen bewys.

Gatto

Ry sommer gou Kempton toe, kom sien hoe suksesvol is grondgryp toegepas in Dan Straat, waar ‘n plakkerskamp direk teen die hof se uitsettingsbevel optree saam met hulle EFF verteenwoordiger en niks gebeur nie.
Grondgrype is lankal hier. Wet en orde het reeds sy alie gesien.

Waarheid

Net nog n leuen.Dit gebeur al klaar ou.
Jy hou jou blind soos gewoonlik.

Schalk

Hoekom dink ek dit is verkiesings praatjies?

Pieter du plessis

Almal weet ook hoe die ou kan lieg.