Coetzee ‘gestraf’ oor waarheid

Dirk Hermann, bestuurshoof van Solidariteit. (Foto: Solidariteit/Facebook)

As dr. Angelique Coetzee, voormalige voorsitter van die Suid-Afrikaanse Mediese Vereniging (SAMV), dit nie mag sê nie, sal hý dit sê, sê dr. Dirk Hermann, bestuurshoof van Solidariteit: “Die [universiteite se] toelatingsbeleid is absoluut gegrond op ras.

“Dit is 100% waar, maar ons mag dit skynbaar nie sê nie en dit wys hoe dit absoluut normaal geraak het in die samelewing en dat ʼn mens dit amper nie mag uitdaag nie.”

ʼn Herrie het losgebars nadat Coetzee, ʼn uiters gerespekteerde dokter, in ʼn onderhoud op CapeTalk opmerkings oor toelatingsvereistes by mediese skole gemaak het. Coetzee het onder meer gesê die proses is hoogs verpolitiseer en dat mediese fakulteite raskwotas vir voornemende mediese studente het.

Die vereniging het hom kort daarna van Coetzee se opmerkings gedistansieer en sy het om verskoning gevra vir haar opmerkings. Die vereniging het Vrydag in die vroeë oggendure ʼn verklaring uitgereik waarin hy sê dat Coetzee as voorsitter bedank het, maar as gewone lid van die raad aanbly.

Hermann sê in reaksie op die debakel universiteite erken in hul toelatingsbeleid dat ras ʼn kernelement vir toelating is. ʼn Benadelingsfaktor word selfs bereken en dan word ʼn sogenaamde raspersentasie bepaal. Dan kategoriseer hulle ook studente volgens hul ouers se ras.

“Dit is ʼn stuk abnormaliteit wat nie uitgedaag mag word nie, ʼn heilige koei wat nie geslag mag word nie,” sê Hermann.

“En as jy die waarheid sê, dan word jy gestraf. As jy sê, ‘maar die keiser is kaal’, sal die keiser jou kop afkap, al ís die keiser kaal.”

Hermann sê universiteite se toelatingsbeleidstellings is op “growwe rassediskriminasie gegrond tot groot nadeel van wit studente en gesondheidsorg in Suid-Afrika”.

“Om gesondheidsorg in diens van ʼn rasideologie te plaas, is rasmal.”

Hy sê mense mag nie toelaat dat dit ʼn normale situasie word waar ʼn sogenaamde rasabnormaliteit glad nie uitgedaag mag word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

42 Kommentare

jongste oudste gewildste
Swerwer

Alles is deesdae rasse aangedrewe! Waarom kry diè wat dit implementeer het nou skaam? Is dit hoekom hulle mense wat die waarheid praat “straf”

Boeretroos

Kom Akademia kry alles in orde en begin medies e studies aanbied

Raadsman

Die grootste probleem is dat die universiteiete standaarde aanpas om te verhoed dat slaagsyfer swart studente nie agterlaat nie en hier word ook druk toegepas van die regering af.
Deel van die groter probleem is dat almal wat dit kan bekostig wit dokters verkies wat al minder word.

Diline

Dis nes jy daar se! Ons blankes moet altyd op eiers loop voordat ons die waarheid praat want die RASMAL meerderheid in die land WIL NIE die waarheid hoor nie. Dit is so duidelik soos daglig dat daar soveel onbevoegde mediese personeel is, dis hoekom die gesondheidsorg VERAL in die STAATSHOSPITALE so ‘n gemors is. “Our people” moet maar tevrede wees hiermee wat dit is die NORM wat die korrupte rasmal Regering daar gestel het.

Johannes_64

Mens hou nie van die verwysing van “Die vereniging het hom kort daarna van Coetzee se opmerkings gedistansieer ” nie. Waarom nie die persone se name noem wat hulle distansieer nie? Hoekom word individue nie meer aanspreeklik gehou nie, die individue het dan die dokter persoonlik aanspreeklik gehou. Die publiek het ‘n reg om die name van “vereeningings” wat sulke besluite maak te ken.