Die getal mense wat entstof teen Covid-19 in die tweede fase van die regering se massa-inentingsprogram gekry het, het teen Woensdagaand op 77 505 gestaan.
Dié inentings word met Pfizer-entstof gedoen en benodig twee dosisse.
Diegene wat met die Johnson & Johnson-entstof – wat ʼn enkele dosis benodig – ingevolge die regering se Sisonke-program ingeënt is, staan in hierdie stadium op 480 665, het dr. Zweli Mkhize in sy jongste bywerkings van die syfers gesê.
Só lyk syfers
Die algehele infeksiesyfer weens die virus staan tans op 1 621 362 nadat ʼn beduidende 3 522 nuwe gevalle van die virus bevestig is.
Nog 167 sterftes is bevestig wat die algehele sterftesyfer weens Covid-19 op 55 507 te staan bring. Van die nuwe sterftes was drie in die Oos-Kaap, 38 in die Vrystaat, 35 in Gauteng, ses in KwaZulu-Natal, 19 in Limpopo, drie in Mpumalanga, 46 in Noordwes, sewe in die Noord-Kaap en 10 in die Wes-Kaap.
Mkhize sê provinsies versamel nou data tot Desember verlede jaar as deel van hul Covid-19-sterfteoudits.
Aktiewe gevalle is in dié stadium 36 987 en meer as 40 000 toetse vir Covid-19 is sedert die vorige verslag gedoen. Altesame 66% van dié toetse word tans in die private sektor gedoen.
Provinsie | Sterftes | Reeds herstel | Aktiewe gevalle |
Oos-Kaap | 11 628 | 184 707 | 463 |
Vrystaat | 4 108 | 85 452 | 6 193 |
Gauteng | 10 948 | 417 739 | 9 185 |
KwaZulu-Natal | 10 470 | 323 011 | 4 831 |
Limpopo | 2 361 | 61 787 | 422 |
Mpumalanga | 1 424 | 77 716 | 1 190 |
Noordwes | 1 844 | 64 504 | 5 400 |
Noord-Kaap | 994 | 38 099 | 6 541 |
Wes-Kaap | 11 730 | 275 853 | 2 762 |
Totaal | 55 507 | 1 528 868 | 36 987 |
Teen die tempo sal ek in 2055 seker ingeent wees
Wooooow !!!!!
Half mijoen ongelooflik dan behoort ons maklik tekyk na ń MIIJOEN ń jaar dit is briljand!!!!
Halve a million, really?
Come one, we know numbers ain’t your forte.
Musical chairs changed to the old guessing game.
Sit die entstof in drank. Teen die einde van die naweek is helfde van die land ingeent.
kry ‘n toets stel en inentings goed gekeurde inentings persoon by elke bottels stoor en “tjop tjop” is alles gedoen
wanneer word die curfew langer gemaak en die drankwinkels en die grense vanaf Indie toegemaak????