Covid-19-statistieke: Nog minder nuwe gevalle

Argieffoto bloot ter illustrasie (Foto: Verskaf)

Suid-Afrika het teen Sondagaand altesaam 2 919 632 bevestigde Covid-19-gevalle gehad en 300 nuwe gevalle is aangemeld.

Nog 11 Covid-19-verwante sterftes is in Suid-Afrika bevestig, wat die landwye totaal op 88 925 te staan bring.

Altesaam 2 811 439 pasiënte het in dié stadium reeds herstel. In hierdie stadium is daar 19 268 aktiewe gevalle van Covid-19.

ʼn Totaal van 21 551 nuwe toetse vir Covid-19 is gedoen, waaronder 12 792 (59%) in die private sektor en 8 759 (41%) in die openbare sektor.

Die meeste nuwe gevalle is in KwaZulu-Natal (23%), gevolg deur Gauteng en die Wes-Kaap (19%), die Noord-Kaap (10%), die Oos-Kaap (9%), Noordwes en Mpumalanga (6% elk), die Vrystaat (5%) en Limpopo (3%).

Nuwe gevalle per provinsie:

  • KwaZulu-Natal: 69
  • Gauteng: 57
  • Wes-Kaap: 57
  • Noord-Kaap: 31
  • Oos-Kaap: 27
  • Noordwes: 18
  • Mpumalanga: 18
  • Vrystaat: 14
  • Limpopo: 9

Die departement het aangedui dat altesaam 21 321 996 inentings teen Sondagaand gedoen is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Frank John

Op die 31st sal daar geen nuwe gevalle wees nie en geen sterftes nie ook nie op die 1ste November nie.

KB

Ja nê, die getalle is nou só laag, dat dit nie meer nuus is nie.
Daar is meer slagoffers van geweld die naweek gewees, as slagoffers van Covid.

Casper

Indien die nuwe gevalle wat aangemeld is wel so laag is,is dit verblydend en is dit van lewensbelang dat mense inent voor die volgende winter.Indien dit kan gebeur kan die pandemie gestuit word en sal daar net sporadiese gevalle wees.Sal dit nie goed wees as die noodtoestand opgehef word en ons kan aangaan met daaglikse aktiwiteite nie.Die ekonomie kan dan herstel as daar nie verdere korrupsie is nie maar is dit moontlik.

MARELIZE

Ja nê… en kom Desembervakansie dan hol die getalle weer weg en mag ons nie by familie of die see kuier nie. So belaglik!!

Dirk Mostert

Dat coronavirusse winter-gebonde is is duidelik. Die VK en VSA ondervind tans ‘n toename in gevalle ten spyte van hul entstatus. Dit wys laasjaar se Desembervlaag hier was gekook.