Covid-19-statistieke: Nou styg getalle weer

(Argieffoto: Unsplash)

Altesame 472 nuwe gevalle van Covid-19 is bevestig, ʼn toename van die 331 wat ʼn dag tevore aangemeld is, en ook ʼn styging in die gemiddelde getal nuwe gevalle oor die vorige sewe dae (391).

Die positiwiteitskoers staan tans op 1,4% en meer as 33 000 nuwe toetse vir die koronavirus is gedoen.

Altesame 2 920 581 gevalle is tot dusver bevestig en 2 813 218 mense het reeds van die siekte herstel.

Die Nasionale Instituut vir Oordraagbare Siektes (Nios) sê daar is in hierdie stadium 18 314 aktiewe gevalle van die virus.

Die meeste nuwe gevalle is in Gauteng (22%), gevolg deur die Wes-Kaap (19%), KwaZulu-Natal (14%), die Noord-Kaap (13%), die Vrystaat (9%), die Oos-Kaap, Noordwes en Mpumalanga (7% elk) en Limpopo (3%).

Nog 62 sterftes is aangemeld en die sterftesyfer staan nou op 89 049. ʼn Bykomende 29 mense is ook in hospitale vir behandeling van Covid-19 opgeneem en 3 993 mense word in hierdie stadium in private en staatshospitale vir Covid-19 behandel.

Nog 191 264 dosisse entstof is Woensdag toegedien, wat die algehele syfer op meer as 21,9 miljoen te staan bring. Nog 154 047 mense is gister ten volle ingeënt.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
VaalDonkie

Onthou, mense, dis nie ‘n opwaartse neiging totdat dit ‘n paar dae agtermekaar styg nie.

William

Alles beplan, sal sien wat gebeur na die verkiesing en veral begin Desember. Hou maar julle vakansie geld in die bank

piet

Meer toetse = meer potensiele positiewe gevalle. Jy moet appels met appels vergelyk. Meet as persentasie van die aantal toetse wat gedoen word. Oor die afgelope naweek is byvoorbeeld 3-keer minder toetse as nou gedoen. Dinge lyk redelik bestendig vir my.

Strandloper

Alles het begin met een….

Jana

Ai tog, as ons dit net al onder 200 nuwe gevalle kan hou en geen sterftes nie?