DA sê Ramaphosa kan nie OB se verslag ignoreer

Natasha Mazzone. Foto: Facebook

Die DA se skaduminister van openbare ondernemings, Natasha Mazzone, het Vrydag gesê pres. Cyril Ramaphosa is verplig om te reageer op die openbare beskermer se verslag oor minister Pravin Gordhan, en behoort herstelmaatreëls te tref of die verslag te laat hersien.

Maroela Media het vroeër berig Busisiwe Mkhwebane het gister ʼn verslag bekend gemaak met verskeie verdoemende bevindinge oor Gordhan.

Volgens Mkhwebane moes Gordhan destyds geweet het dat Ivan Pillay, voormalige adjunkkommissaris van die SAID, ʼn sogenaamde “rogue” eenheid op die been gebring het aangesien Pillay direk aan hom gerapporteer het. Sy het aangevoer dat die eenheid destyds onregmatig op die been gebring is aangesien slegs die president sulke geheime inligtingversamelingseenhede mag stig.

Mazzone het in ʼn verklaring gesê die verslag se bevindinge dat Gordhan dus die Grondwet oortree het, mag nie geïgnoreer word nie.

Luidens die verklaring glo Mazzone, ten spyte van haar party se standpunt oor Mkhwebane se bevoegdheid om die amp as openbare beskermer te beklee, dat die DA egter steeds verplig is om die integriteit van die openbare beskermer se kantoor as hoofstuk 9-instansie te respekteer.

“Die openbare beskermer beveel aan dat pres. Ramaphosa regstellende aksie moet implementeer. Indien die president óf Gordhan glo dat die verslag foutief is, prosedureel of wesenlik, het hulle die reg om dit te laat hersien,” lui die verklaring.

Hoe ook al, die president is verplig om aandag te gee aan die verslag, het Mazzone gesê.

Mazzone het gesê die DA se verbintenis tot die handhawing van die wet oortref persoonlike en politieke meningsverskille. “Die OB het nou ʼn bevinding gemaak en die reg moet sy loop neem.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Hendrik ferreira

Die DA hou hulself besig met allerhande dinge behalwe prioriteite soos plaasmoorde en diskriminerende wetgewing teen wit mense of is dit nie n preoriteit vir hulle nie ?

fred

dit word n vervelig tammeletjie vir CR en Gordhan…benuut om te sien hoe dit gaan uitdraai met éénkant die CR/Gordhan fraksie en anderkant die EFF/ZUMA fraksie..

pieter

WAAR ROOK TREK IS HELSE VUUR.

Johan

Wat was die doel van hierdie sogenaamde eenheid? Dit was sekerlik om skelm mense wat gruwelik belasting ontduik, op te spoor. Indien wel, is dit mos iets positiefs. Maar in die proses het hulle natuurlik op invloedryke mense se tone getrap. En hulle kom met ‘n terugveg poging.
Die OB moet liewers begin by daardie berugte melkplaas en die saak na behore ondersoek…

Maljan

Dis so duidelik soos daglig dat die destydse president wel kennis gedra het van die sogenaamde eenheid. Hoe anders het sy, die ob, daarvan uitgevind? Zuma se mensie mos.