DA verloor bestuur van dié Wes-Kaapse munisipaliteit

ANC-se-vlag-deur-ANA

Foto: ANA

Die ANC het ʼn munisipaliteit in die Wes-Kaap voor die Demokratiese Alliansie weggeraap.

Die ANC het genoeg stemme gewerf om beheer oor te neem van die Matzikama-munisipaliteit (Vredendal) in die Wes-Kaap.

Die DA-koukus in Matzikama het ʼn mosie van wantroue ingedien teen sy burgemeester, Rhenda Stephen. Stephen het na bewering bedank en die burgemeesterspos is vakant gelaat. Die nuwe burgemeester is die ANC se Hennie Nell, wat teen die DA se Johan van den Hoven gewen het.

Die DA se omstrede “aanspreeklikheidsklousule”, wat drie maande gelede in Pretoria aanvaar is, het tot mosies van wantroue gelei teen leiers by DA-rade. Die beleërde Kaapstadse burgemeester Patricia de Lille het ʼn mosie van wantroue oorleef nadat dit Woensdag teruggetrek is. In Knysna het DA-burgemeester Mark Willemse ook ʼn mosie van wantroue oorleef wat deur lede van sy eie party teen hom ingedien is. Die mosie kon nie ʼn kworum bereik nie, grootliks as gevolg van opposisiepartye wat nie opgedaag het om te stem nie.

Die DA se federale uitvoerende komitee het die nuwe klousule verdedig en gesê dit verseker dat leiers aanspreeklik gehou kan word.

Die ANC het die nuwe burgemeester in Vredendal verwelkom en gesê die DA is “gebreek” en “verloor steun”.

Intussen het die IVP ʼn ANC-wyk tydens munisipale verkiesings in KwaZulu-Natal gewen. Die IVP het genoeg stemme gewerf om die Mthonjaneni-munisipaliteit (Melmoth) se bestuur oor te neem. “Die IVP het 57.19% van die stemme gewerf,” het die Onafhanklike Verkiesingskommissie (OVK) Donderdag gesê.

In Noordwes het die ANC sy wyk 19 by Mafikeng-munisipaliteit behou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Siek en sat

DA julle beter julle sokkies optrek as julle in die toekoms iets in hierdie land wil bereik. ANC breinspoel mense met beloftes wat net nooit waar gaan word nie en dan werf hulle stemme.

ferdi

Vergeet van DA

Willem

Die DA is sy eie grootste vyand. Die party strompel voort van die een selfgeskepte krisis na die volgende.

Wynand

Die DA is history

Afrikaan

Teen die tempo wat Maimane eiehandig die DA afbreek, is dit geen wonder. En hierdie is net die begin!