DA verloor nóg ʼn wyk

(Foto: Demokratiese Alliansie/da.org.za)

Die DA het Woensdag nóg ʼn wyk verloor – dié keer in Bethal, Mpumalanga. Die ANC het die wyk met net ses stemme teen die VF Plus gewen, met die DA derde en die EFF vierde.

Hoewel die DA terselfdertyd gemaklik gewen het in Lydenburg, maak dit die deur oop vir die VF Plus om te begin redeneer dat daar in sommige dele van die noordelike binneland plekke is waar die DA die opposisiestem verdeel en die ANC laat wen – die ou DA-argument teen die VF Plus op sy kop gedraai!

In 2016 het die DA net-net gewen in Bethal, maar dié keer het sy aandeel in die stemme afgeneem van 45% tot 26%. Die VF Plus het reeds vanjaar verskeie wyke in Noordwes van die DA afgerokkel. Die VF Plus se stemme het ook met 56% gestyg sedert die 2016- munisipale verkiesing, terwyl die DA 65% van sy stemme verloor het.

Die Bethal-wyk is gewen deur Mabhiyane Sipela van die ANC met 701 stemme – net ses stemme meer as die VF Plus se 695 stemme. Die DA het 514 verwerf en die EFF 78 stemme.

Ondanks al hul gebieker, verdeeldheid en koersloosheid het die DA gewen in Lydenburg, maar hul steun het afgeneem van 69% tot 48%. Spiridian Couvaras (DA) het 643 stemme gekry, teenoor die 434 stemme vir die VF Plus en 240 vir die ANC.

In Sekhukhuneland, Limpopo, het Sello Phosoko (ANC) gewen met 1 269 stemme, gevolg deur die EFF met 741 stemme en ʼn onafhanklike kandidaat met 79 stemme.

Die volgende twee wyke wat die DA moet verdedig, is in Germiston en Thabazimbi. Die oë sal op hulle wees om te sien of die DA se vryval voortduur en of hulle die tendens kan stopsit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
T

Great !!! Dit wys mense begin nou sien wat aangaan

Judge Dredd

Nog te veel meelopers van ANC plannetjies – maar nogtans goeie nuus om te sien dat party mense se ogies darem besig is om oop te gaan.

Clipper

Mense moenie dom wees nie. As DA uitval gaan eff groei en die amptelike opposisie word

se maar ook net

Clipper dis waar maar dan moet DA flippen vinnig wakker skrik want all of a sudden hoor of sien jy hulle nie meer nie.

koos

Vusi se woorde aan Zuma lyk my is nou op betrekking op hom.
A broken man in a broken land (party?)