Dogters geskors wat nie rompe wou dra nie

Argieffoto

Argieffoto

Die departement van onderwys het die regte van agt meisies, wat uit ʼn skool aan die Oos-Rand geskors is omdat hulle nie rompe wou dra nie, verdedig, het die Saturday Star berig.

Die meisies wou glo langbroeke dra, maar die skoolhoof van Tholulwazi Secondary School in Tsakane het gesê hulle mag nie terugkeer skool toe “totdat hulle weet of hulle seuns of meisies is” nie.

Die ma van een van die meisies het gesê die skool het daarop aangedring om haar kind se geboortesertifikaat te sien om te bevestig of sy ʼn dogter is. Volgens haar is die meisies geskors omdat hulle lesbies is.

Die meisies het Woensdag na twee weke teruggekeer skool toe nadat die departement ingegryp het. Woordvoerder Phumla Sekhonyane het gesê die departement beskou die bewerings in ʼn ernstige lig. “Geen diskriminasie in enige vorm, insluitend godsdiens, geloof of seksualiteit, word in skole geduld nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
A Gerber

Skooldrag is daar om eenvormigheid, netheid en trots te skep. En dit lyk baie netjies as seuns en meisies onderskeidelik in ‘n bepaalde skool uniform is. Wat as daar seuns is wat wil begin rokke dra om hul mooi geskeerde bene ten toon te stel..? As hul dit geweier word is dit ook skending van menseregte… As almal aantrek wat hulle wil aantrek kan skooldrag net sowel verval. En dan is daar baie meer komplikasies aan verbonde.

scalla

dit gaan alles ook oor dissipline,

Amanda

Broeke is in elk geval vir party meisies gemakliker en netjieser as rompe of rokke, mag hulle gemak klere ook nou net rokkies wees? Nee regtig, dit is mos hulle keuse.

Jenny de Beer

Ek wil hierdie skoolhoof se hand gaan skud. Hoekom moet meisies langbroeke dra, van hierdie meisies kan nie eers in ‘n langbroek kom nie maar hulle wil dit dra. Daar is niks so mooi as ‘n meisie/vrou ‘n rok of romp dra nie. Dit lyk soveel beter. Ek kan nie sien hoekom ‘n langbroek makliker is om aan te trek nie, vernaam die wat so styf sit dat dit lyk of dit aan die lyf gegiet is.

Wilesta

Ek hou daarvan om rokke en rompe te dra, maar moet te kenne gee dat langbroeke in baie gevalle meer prakties is en “veiliger” is in sekere omstandighede. Skoolmeisies moet baie keer trappe klim, op oop pawiljoene sit ensovoorts wat hulle in ‘n ongemaklike posisie voor seuns kan plaas.
Die grootte van die broek maak nie saak nie, solank dit die regte grootte vir die regte lyf is.