(Argieffoto: Hans Braxmeier/pixabay)
Die polisie se eenheid teen gesinsgeweld, kinderbeskerming en seksuele oortredings in Tshilwavhusiku buite Louis Trichardt in Limpopo stel ondersoek in ná twee meisies Donderdag omstreeks 16:40 aangeval is.
Brig. Motlafela Mojapelo, woordvoerder van die polisie, sê die twee meisies, onderskeidelik agt en nege jaar oud, was op pad huis toe van die skool af toe twee onbekende mans, geklee in blou oorpakke, hulle oorval het. “Die verdagtes het hulle gegryp en in nabygeleë bosse by Chumbry’s-plaas gesleep. Albei is verkrag. Die mans het daarna van die toneel gevlug.”
Die kinders het hul ouers in kennis gestel toe hulle by die huis aankom en die saak is by die polisie aangemeld. Twee sake van verkragting is aanhangig gemaak en ʼn ondersoek is dadelik van stapel gestuur.
Lt.genl. Thembi Hadebe, provinsiale polisiekommissaris, moedig die publiek aan om enige inligting met die polisie te deel wat moontlik die ondersoek kan help. Kontak lt.kol. Maphefo Machaba by 082 451 7163.
Uiterste siek samelewing waarin ons woon. So bitter jammer vir die meisies.
Die veragtelike gemors is nie mense nie, láér as diere, mag hulle stadig en pynlik vrek !!!
Gemors van die aarde!!