Dokter wat glo aborsie afraai, vra dat saak geskrap word

Dr. Jacques de Vos (32).

Dr. Jacques de Vos, wat glo ʼn swanger vrou meegedeel het dat haar ongebore baba ʼn mens is, se regspan het vandag gevra dat die saak teen hom geskrap word.

Die Raad vir Gesondheidsberoepe (RGB) kla De Vos (32) van onetiese gedrag aan. De Vos was ʼn intern by 2 Militêre Hospitaal in Kaapstad toe die hospitaal hom geskors het weens dié beweerde opmerking en hy is sedert Julie 2017 gevolglik verbied om te praktiseer.

Die saak teen hom, wat nou reeds jare lank sloer, is vandag in Kaapstad hervat.

Martus de Wet, De Vos se regsverteenwoordiger, het Maandag gesê adv. Keith Matthee SC het vanoggend aangevoer dat die saak teen De Vos van die rol geskrap moet word.

Matthee het onder meer aangevoer dat die verrigtinge onwettig is weens die RGB se versuim om sekere dokumente te verskaf wat ʼn billike verhoor moet verseker, asook weens die talle vertragings waardeur die saak gekenmerk word.

Die aanvang van die saak is boonop vertraag terwyl daar gewag is vir die RGB se aanklaers om op te daag, het De Wet gesê.

Hulle sal na verwagting later vanmiddag op De Vos se aansoek reageer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Arno Scheepers

Staan vas by jou beginsels dokter. JY IS REG.

JohanR

In Suid Afrika mag jy nie meer ‘n opinie he nie. Doen soos EK se, is die kommuniste gesegte.

TwaalfBoor

Dagvaar hulle vir verlies aan inkomste.

Ram Roos

Ek haal mý hoed af vir jou Dr de Vos! Die huidige bestel beskou ‘n aborsie as ‘n geboorte beperkings middel wat totaal verkeerde gevolge voort bring. Één daarvan is jóu vervolging en ek wens jou sterkte toe! Do so voort! ????????????

Frank

Mooi Jacques! Staan sterk. Aborsie is moord.