Kapenaars moet hulle teen nóg swaar reën met gelokaliseerde oorstromings staal wat na verwagting tot Saterdagmiddag in dele van die Wes-Kaap kan voortduur. Reën- en donderbuie kom reeds sedert Donderdag in dele van dié provinsie voor.
Volgens Tokelo Chiloane, weervoorspeller verbonde aan die Suid-Afrikaanse Weerdiens (SAWD), het donderstorms Donderdagmiddag in dele van die Klein-Karoo, Laingsburg, Hessekwa, Worcester en in die omgewing van Swellendam uitgesak. Dié weersomstandighede het tot Vrydagoggend voortgeduur.
Chiloane sê ’n 60%- tot 80%-kans vir reënval word tot Saterdagmiddag vir die suidelike en westelike gebiede van die Wes-Kaap voorspel. Die reën sal met rukwinde en koue gepaardgaan.
Chiloane sê ’n 60%-kans vir reën word ook vir Vrydag oor groot dele van die Oos-Kaap voorspel. Die reën sal teen Sondag na KwaZulu-Natal versprei.
“Teen Saterdagmiddag sal die reën in die Wes- en Oos-Kaap opklaar,” sê Chiloane.
Bewolkte toestande en ligte reën word ook tot Saterdag vir groot dele van die Vrystaat, Noordwes, Gauteng, dele van die Noord-Kaap, Mpumalanga en Limpopo voorspel.
Niks nuuts nie
Wonderlike nuus, die reen is so nodig!!!!
Ek hoop binnekort is dit kaap van goede hoop ‘n buurland van die piesang Republiek van Suid-Afrika waar mense regtig vry en voorspoedig sal wees .
geen teken van enige wolke hier in Gauteng nie
n
Staan vas ons stuur aan.