Dooie koei veroorsaak ongeluk

Die ongelukstoneel nadat ‘n motoris vir ‘n dooie koei in die pad uitgeswaai het. (Foto: Verskaf)

Verskeie mense is beseer toe die bestuurder van ʼn ligte motorvoertuig uitgeswaai het vir ʼn dooie koei in die pad net voor Port Edward in KwaZulu-Natal. Die insittendes moes met kake van die lewe uit die voertuig bevry word.

Netcare 911 het Maandag net ná 23:00 gereageer op inligting oor ʼn botsing op die R61 aan die Suidkus. “Volgens inligting tot ons beskikking lyk dit of die bestuurder van die voertuig uitgeswaai het om te keer dat hy ʼn dooie koei in die pad tref. In die proses het hy beheer van die voertuig verloor,” sê Shawn Herbst, woordvoerder van Netcare 911.

Die voertuig, met ses insittendes, het teen ʼn skuinste langs die pad tot stilstand gekom. Volgens Herbst is een persoon ernstig beseer, drie persone het matige beserings opgedoen en nog twee insittendes het minimale beserings opgedoen.

“Die brandweer- en reddingsdienste het kake van die lewe gebruik om die mense uit die voertuig te bevry en die pasiënte is op die toneel behandel,” sê Herbst.

Nadat hulle op die toneel gestabiliseer is, is al ses pasiënte met ʼn private ambulans na ʼn hospitaal geneem vir verdere behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Huh

Ek wil net gou uitvind hoe pas 6 mense in ‘n ligte motorvoertuig

Liezl

Ja, wil ek ook weet, want daar is net 3 sitplek gordels op die agterste sitplek. Maar jong, sommige mense steur hulle mos nie aan dit nie. Wetteloos is aan die orde van die dag.

Uilspieel

Deesdae loop die beeste ook mos oral net waar hul wil. Het die wet verander dat boere en eienaars van beeste hul beeste moet binne heinings hou? In di verlede is hul net uit di pad gejaag en op di plek doodgeskiet.

Wonder net...

Wat soek dooie koei in pad? Hoekom is hy nie dood in sy eie afgekampe kamp? Te veel “bos beeste” in SA deesdae maar tog sal daar eerder diere geslag word in hul eie kampe (al behoort hul nie eens aan die slagters nie)!

Connie

Daardie koei as dit dieselfde bruin een is, is gereeld deur die dag daar im die pad. Moes ook al uitswaai geen oppasser naby, het vanoggend die merke gesien en gewonder wat het gebeur.