Drama toe oorlede tiener se familie huis kry

Agnes Mosweu (heel regs) in ‘n EFF-hemp. Foto: ANA

Die oorhandiging van ʼn nuwe huis aan die familie van die oorlede tiener van Coligny, Matlhomola Mosweu, is deur drama voorafgegaan.

Mosweu se ma, Agnes Mosweu, het in ʼn EFF-hemp by die oorhandigingseremonie aangekom wat deur die ANC provinsiale regering gereël is. Beamptes van die ANC en die provinsiale regering het haar versoek om ʼn ander hemp aan te trek maar sy het geweier.

“Hulle kan nie vir my sê wat om aan te trek nie,” het ʼn ontstoke Mosweu gesê. Matlhomola se pa, Sakkie Dingake het agter in die tent wat vir die geleentheid opgerig is, gesit en beweer hy is nie na die geleentheid genooi nie.

Job Mokgoro, premier van Noordwes, het die huis oorhandig. Lindiwe Sisulu, destydse minister van menslike nedersettings, het in 2017 dié huis aan die familie belowe.

Pieter Doorewaard (27) en Phillip Schutte (34) is vroeër die maand in die hooggeregshof in Mahikeng gevonnis in verband met die dood van Mosweu. Hulle is aan moord skuldig bevind.

Doorewaard en Schutte is onderskeidelik tot 18 en 23 jaar effektiewe tronkstraf gevonnis. Die hof het bevind die twee mans het Mosweu van ʼn bewegende bakkie afgegooi wat sy dood veroorsaak het.

Die mans se skuldigbevinding en vonnis het gekom ten spyte daarvan dat Rapport vroeër vanjaar berig het die enigste ooggetuie in die saak, Bonakele Pakisi, het erken hy het in die hof gelieg toe hy getuig het dat hy gesien het hoe Doorewaard en Schutte vir Mosweu vermoor.

Adv. Barry Roux SC, ʼn toonaangewende en bekende advokaat in regskringe, sal Doorewaard en Schutte se appèlaansoek behartig.

AfriForum sal die appèlkoste dra sodat Roux die saak kan hanteer. Adv. Gerrie Nel en sy span by AfriForum se privaatvervolgingseenheid lewer ook bystand om die saak te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Zelda

Ha ha backfire die ANC se skeinheiligheid lelik in hulle gesig

Neels

Wha en daar bars die ANC se verkiesings bubble toe en ou Julias kry die eer.

Louis

En wanneer kry die blankes wat so vermoor word se families ook huise?????? Dan praat Ramaposa hulle het apartheid oorwin!!!!!!?????2nonsense man hy veroorsaak dat apartheid nooit sal stop nie

Elize

Ek kraai soos ek lag. Nie gedink hier het iets in SA oorgebly om nog oor te lag nie, maar dit is wraggies skreeu snaaks. ANC gee huis aan gesin wat dit nie verdien nie en die vrou is n EFF ondersteuner wat weier om die hemp uit te trek. Go figure.

Johan

Die ANC het gedink hulle het stemme gekoop met ‘n huis. Maar toe is die moeder skielik EFF. Miskien het die EFF haar die plaas belowe waarop die jong man dood is. Wie weet?