’n Volwasse vrou en twee jong kinders is dood nadat ’n brand Donderdagaand by ’n kindersorgsentrum in Boksburg aan die Oos-Rand uitgebreek het.
Die brand is vermoedelik deur ’n kers veroorsaak wat aangesteek is nadat die krag vroeër die aand afgegaan het. Dit is nie duidelik of die kragonderbreking aan die huidige fase 2-beurtkrag toegeskryf kan word nie.
William Ntladi, woordvoerder van die Ekurhuleni-rampbestuurdiens, sê die nood- en brandweerdiens is om 22:48 na die vierslaapkamerhuis in Villa Liza ontbied waar lede van die publiek verwoed probeer het om die vlamme met emmers vol water te blus.
’n Vrou in haar vyftigs en twee meisies, onderskeidelik sewe en agt jaar oud, is op die toneel dood verklaar. Die slagoffers is vermoedelik weens rookinaseming dood.
Twee tienerseuns het ongedeerd van die voorval afgekom.
Nege brandbestryders het gespook om die vlamme te blus voordat die wetstoepassingsowerhede die toneel oorgeneem en ’n ondersoek van stapel gestuur het.
Natuurlik is dit Beurtkrag se skuld, as ddie krag nie vroeêr die aand afgegaan het nie, sou die kers nie aangesteek gewees het nie.
Hartseer !!
Dit is baie hartseer.
Nog moorde voor Ramaposa se deur, sy hande is nou al goed bebloed. Eskom is die oorsaak van die.
Presies. Die bloed loop (nie drup nie) van hulle hande af.
In twee dae alleen is Rama magerien verantvoodlik vir die moord van die mense in NW met die potholes en nou hierdie mense ook. Direk toegewy aan lack of services
Hoe absoluut tragies. Rus sag kleingoed asook die vrou.