Drie in hof vir Limpopo-plaasmoord

Lawrence Frans Hlongwane. Foto: SAPD

Lawrence Frans Hlongwane. Foto: SAPD

Die drie verdagtes wat aangekla word van die moord op ʼn vrou wie se lyk Maandagoggend deur haar huishulp onder ʼn matras in een van die slaapkamers in haar huis in Limpopo gevind is, het Donderdag in die Polokwane-landdroshof verskyn.

Frans Seswa Mohlatlego (32), Lawrence Frans Hlongwane (45) en Frans Ngobeni is Dinsdag in hegtenis geneem vir die moord op Rina Langenhoven (67) op die plaas Silver Mist in die Haenertsburg-gebied. Ngobeni was voorheen ʼn werker op die plaas.

Kol. Ronel Otto, woordvoerder van die polisie, het gesê die saak is uitgestel tot 15 Desember wanneer die drie verdagtes om borgtog sal aansoek doen. Hulle sal in aanhouding bly tot dan.

Langenhoven se liggaam is aangetref met haar hande agter haar rug vasgebind en haar mond met kleefband toegeplak. Otto het vroeër gesê daar was wonde aan haar lyf, maar dit was nie duidelik of die wonde deur ʼn mes of ander wapen veroorsaak is nie. ʼn Nadoodse ondersoek sou gedoen word om die oorsaak van dood vas te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Vixie

Vuilgoed! Dis hierdie tipe van ding wat rassehaat aanblaas

pop

Die ander gesigte van Satan. Ek ril om vir hulle te kyk

Ek

GEMORS!!!!

Gino

Hang die varke!!!!

nico

Ons moet saam staan!!!!!