Drie veiligheidswagte van Fidelity sal na verwagting Vrydag in die Bloemfonteinse landdroshof verskyn nadat hulle in verband met ʼn transito-rooftog in hegtenis geneem is.
Lede van die Valke se ondersoekeenheid vir ernstige en georganiseerde misdaad het die drie verdagtes Woensdag in hegtenis geneem.
Volgens kapt. Christopher Singo, woordvoerder van die Valke, was ʼn geldwa van Fidelity Dinsdag onderweg na die Bloemfonteinse middestad om kontant af te lewer, toe ʼn groep swaargewapende aanvallers hulle by McKenziestraat oorrompel het.
Die rowers het glo die veiligheidsbeamptes beveel om uit die voertuig te klim voordat hulle springstof gebruik het om die kluis oop te skiet.
“Die verdagtes het ʼn onbekende bedrag geld en drie vuurwapens van die veiligheidsbeamptes geroof en van die toneel gevlug,” sê Singo.
Ek is oortuig die meeste van die rooftogte is inside jobs
Daar die spyker op sy kop ek stem inside jobs!!!!!!
En raai net wie kry werk???