(Foto: Andrej ISAKOVIC / AFP)
Die polisie in Gqeberha (voorheen Port Elizabeth) is op soek na verdagtes wat laat Dinsdagaand drie mense, onder wie ʼn driejarige, by hul huis in Pienaarstraat, Helenvale, doodgeskiet het. Nog twee mense is in die skietvoorval beseer.
Volgens kol. Priscilla Naidu, polisiewoordvoerder, word daar beweer dat drie verdagtes omstreeks 23:15 ʼn deur van die huis oopgeskop het waarna hulle op die inwoners van die huis losgebrand het.
“Drie mense is op die toneel dood verklaar. Die slagoffers is as ʼn 52-jarige vrou, Ellen Hutchinson, ʼn 44-jarige man, Claudeo Thomas, en ʼn driejarige seuntjie, Emilio Hutchinson, geïdentifiseer.”
Sy sê ʼn 13-jarige meisie en ʼn 19-jarige jong man is ook in die skietvoorval beseer en na die naaste hospitaal vir behandeling gehaas.
“Die motief vir die voorval is nie in dié stadium bekend nie. Drie sake van moord, asook twee sake van poging tot moord word tans deur die provinsiale teenbende-eenheid ondersoek.”
Naidu sê niks is egter gesteel nie.
Enigiemand met inligting rakende die aanval word versoek om speur-adjudant-offisier Neville Gouws by 082 387 5904 te kontak of die teenmisdaadnommer by 08600 10111 te skakel.
Dis die gevolg van n korrupte regering.
Die skuld moet voor die polisie geplaas word hulle het n mandaad om mense veilig te hou en duidelik mors hulle net die belasting geld.
Land waar die misdadigers die reg het om te maak soos hulle wil. SA is onregeerbaar.
n Persoonlike vete teen die familie.