‘Dros-verkragter’ moontlik op tik

Die beskuldigde in die hof. Foto: ANA

ʼn Hoeveelheid wit poeier wat by die 20-jarige man van Pretoria gekry is toe hy in hegtenis geneem is vir die sogenaamde Dros-verkragting, was die dwelm tik, sê die Nasionale Vervolgingsgesag (NVG).

Die verdagte, wie se naam eers bekendgemaak kan word nadat hy gepleit het, word daarvan beskuldig dat hy ʼn sewejarige meisie in die manstoilette van die gesinsrestaurant in die ooste van die Jakarandastad verkrag het.

Die NVG het die poeier wat by hom gekry is, forensies laat ontleed en vasgestel dat dit tik is, berig die Johannesburgse dagblad The Citizen.

Sy hofverskyning is Woensdagoggend binne minute in die Pretoriase landdroshof afgehandel. Die hof het gehoor ʼn bed is vir die beskuldigde in die Weskoppies- psigiatriese hospitaal beskikbaar en hy is formeel na die hospitaal verwys vir psigiatriese evaluering.

Hy sal 30 dae lank deur ʼn span van drie psigiaters en een sielkundige geëvalueer word en op moet op 8 Februarie weer in die hof verskyn.

Die staat beweer die man het die meisie in September verlede jaar van die restaurant se speelterrein af tot by die toilette gevolg waar die skokvoorval glo plaasgevind het. Volgens die staat het die kind se ma hom op heterdaad betrap toe sy haar na dogter gaan soek het.

Die hof het vroeër gehoor die beskuldigde het sielkundige probleme, het al meermale sy lewe probeer neem en ly aan depressie wat deur bipolêre gemoedsversteuring veroorsaak word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Sputnik

Tragies dat een mens se lewe so opgeneuk kan word en dat dit dan nog uitkring na ander mense ook.

Oujongvrou

Sputnik ja, dit is baie baie tragies. Hy is eintlik self nog n kind. Watse lewe het hy dalk nie al gehad om in so n toestand te beland het nie. Elke dag moet ons dankie se vir ons kinders wat nie die spoor byster geraak het nie.

GP

Sterkte aan die man en sy familie. Daar word daagliks sulke en erger dade gepleeg. Dit maak die saak nie minder wreed nie dis steeds erg maar ander sake word nie so intens hanteer soos die een nie.
Se net gee die man sy reg op n regverdige verhoor en as hy skuldig is tyd om sy straf uit te dien.

Gaitsigubib

Moet mens nou simpatie he met die oortreder? Hy laat my koud.

Heksie

“Die hoeveelheid wit poeier …”, dit maak nie sin nie, bepaal die hoeveelheid nou of dit tik of “coke” of enige ander onwettige dwelm is???
satan is los onder ons jeug ….