(Foto: AFP)
Die Suid-Afrikaanse regering het Maandag begin om sy burgers uit Soedan na veiligheid te neem te midde van voortslepende konflik.
“Ek kan bevestig dat die operasie om Suid-Afrikaners in Soedan en die personeel by die Suid-Afrikaanse ambassade daar na veiligheid te neem tans aan die gang is. Hulle word vir veiligheid na ’n buurland geneem,” het Clayson Monyela, woordvoerder van die departement van buitelandse sake, aan AFP gesê.
“Ons burgers en ambassadepersoneel is op pad uit Khartoem. Ek kan nie die veiligheid en logistiek van die operasie bekend maak nie, maar hulle is op pad uit. Ons is voortdurend in kontak met hulle,” het Monyela later op Twitter bekend gemaak.
President Cyril Ramaphosa het vroeër gesê daar is 77 Suid-Afrikaners in Soedan vasgekeer.
Ramaphosa het ook gesê Suid-Afrika sal “ander burgers van ons streek” wat in Soedan gestrand is, bystaan.
Talle lande wêreldwyd het begin of is besig om hul burgers na veiligheid te neem nadat weermag‑ en paramilitêre groepe in Soedan slaags geraak het. Honderde mense is reeds dood en is daar groot tekorte aan water, kos, medisyne en brandstof.
Ander Afrika-lande soos Chad, Mauritanië, Uganda en die Ivoorkus is ook besig om hul burgers uit die land te neem. Nigerië beplan om vandeesweek byna 3 000 van sy burgers, meestal studente, per konvooi na Egipte uit te kry.
Die hooflughawe in Khartoem se bedrywighede is effektief opgeskort aangesien dit die toneel van hewige gevegte is.
Baie lande wat nie magte na Soedan kon stuur nie, het op ander staatgemaak om hul burgers via hawens en militêre basisse te onttrek, met Saoedi-Arabië en Frankryk wat albei talle buitelanders na veiligheid geneem het.
Sommige ontruimings vind plaas van Port Soedan aan die Rooisee en ander via die nabygeleë Djiboeti en naburige Egipte.
’n VN-konvooi wat 700 mense vervoer het, het Maandag die moeisame reis na Port Soedan voltooi.
Saoedi-Arabië het Saterdag die eerste suksesvolle ontruimings gelei. Tot dusver is 356 mense uit Soedan na die koninkryk geneem – 101 Saoedi’s en 255 buitelanders uit meer as 20 lande.
Egipte se weermag het verlede week 177 soldate onttrek, terwyl 436 burgers oor die naweek die land verlaat het. Dit word vermoed dat meer as 10 000 Egiptenare in Soedan woon.
Verskeie lande het die afgelope paar dae honderde mense uit Soedan na veiligheid geneem terwyl gevegte in die land voortduur. Dié groep het uit Soedan by ‘n weermagbasis in Amman, Jordanië, aangekom. (Foto: Khalil Mazraawi/AFP)
Meer as 200 Marokkane is na Port Soedan geneem in konvooie wat deur hul ambassade georganiseer is, terwyl Algerië en Tunisië albei reddingsoperasies aangekondig het.
Die Amerikaanse weermag het Sondag drie Chinook-helikopters gestuur om ambassadepersoneel uit Khartoem te verskuif.
Kanada en Brittanje het hul ambassadepersoneel onttrek. Josep Borrell, hoof van die Europese Unie (EU) se buitelandse beleid, het Maandag gesê sowat eenduisend EU-burgers is na veiligheid geneem.
Frankryk het 400 mense van verskeie nasionaliteite na Djiboeti vervoer.
Amsterdam het gesê hy het twee vliegtuie gestuur om sy burgers na Jordanië te vlieg.
Italië het Sondag ongeveer 200 mense in ’n militêre operasie verskuif en Berlyn het Maandag gesê drie vlugte het vertrek en ’n vierde was op pad om ’n totaal van 400 mense te verskuif.
Oostenryk, Bulgarye, Hongarye en Roemenië het gesê hul burgers is met buitelandse hulp na veiligheid geneem.
China het Maandag gesê hy het ’n eerste groep burgers “veilig verskuif”, met die ministerie van buitelandse sake wat gesê het daar is sowat 1 500 Chinese burgers in Soedan.
Indonesië het 538 burgers van Khartoem na Port Soedan verskuif, met nog ’n groep van 289 wat in ’n tweede fase sou reis.
Ek het nooit geweet Soedan het soveel mense van oral oor die planeet, wat daar werk en woon nie. Het gedink dis maar basies n primitiewe tipe plek soos die afgeleë dele van Afghanistan. Now it sounds like the country resembled one big, thriving First World city. Wel, mens leer elke dag iets nuut. En oplaas het die ANC regering wakker geskrik en sy landsburgers daar, begin red. Better late than never, i suppose.
Meeste mense onderskat Afrika.
Suid Afrika is ook maar primitief, met inwoners van oral.
TruthDealer, die ‘internasionale’ burgers wat nou ‘gered’ word, is in baie gevalle Soedanese wat burgerskap in verskeie lande gekry het op grond van hul ‘vlugtelingskap’ in die verlede.
Australië het bv. ‘n groot Soedanese gemeenskap wat ironies genoeg gereeld gaan kuier in die land waarvandaan hul gevlug het.
O ek sien. Dankie.
Ons regering kan 1.4 Mil spandeer om Thabo Berster te gaan haal , niks word gedoen om die Guptas terug te bring nie en hulle kan nie ‘n vliegtuig stuur om ons mense te gaan haal nie ????????????
Wat het dit te doen met die prys van eiers?
Maar hul is dan besig. Lees die 1ste paragraaf.
Daar moet nou eers getender word en dan kry ‘n BEE besigheid met ‘n vrot vliegtuig die tender, al vra ‘n nie-BEE besigheid met ‘n goeie vliegtuig ook 5 keer minder.
Daar gaan seker eers getender word vir ‘n passasiers trein…
Wat van so ‘n lugbrug om al die wit Suid-Afrikaners na Europa, Amerika, Kanada en Australië te deporteer? Met al die regstellende aksie wat nou met ‘n nuwe wet nog kwaaier toegepas gaan word, plus goed wat teen wit mense gesê word en dan is dit maar ok, is dit mos nou duidelik dat ons eintlik nie welkom is in SA nie. Ek is 55, maar ek is ten volle bereid om met net die klere aan my lyf van vooraf en met niks te begin in ‘n land waar daar nie diskriminasie teen wit mense is nie.