Motoriste moenie hul asem ophou vir die afskaffing van e-tol in Gauteng nie. Dit blyk uit ʼn antwoord deur Gautengse premier David Makhura Dinsdag in die Gautengse wetgewer.
Tydens ʼn vraag-en-antwoord-sessie het Makhura aangedui die Gautengse ANC se finale posisie oor die e-tolkwessie is dat Sanral-skuld terugbetaal moet word.
Dit volg nadat adv. Anton Alberts, VF Plus-voorsitter en leier in die Gautengse wetgewer, die premier gekonfronteer het omdat die ANC voor die 2019-verkiesing dit telkemale duidelik gestel het dat hulle heeltemal teen e-tol gekant is. Die ANC het selfs verlede jaar na die Uniegebou gemarsjeer in teenkanting teen e-tol en die nasionale ANC-regering.
“Dit blyk nou die Gautengse ANC het tydens onderhandelinge met die nasionale ANC-regering ingestem dat sommige padgebruikers, veral groot ondernemings, steeds e-tol moet betaal,” sê Alberts.
“Die VF Plus beskou die posisie as skandalig aangesien die Gautengse ANC nog altyd aangedui het dat hulle heeltemal teen e-tol gekant is.”
Maroela Media het Maandag berig dat die Suid-Afrikaanse Nasionale Padagentskap (Sanral) slegs R687,7 miljoen van die e-tolskuld vir die 2018-’19-boekjaar kon invorder, vergeleke met die vorige jaar se R1,87 miljard. Daarom sê die DA die stelsel het misluk.
Alberts het dit ook aan die premier gestel dat indien die ANC in Gauteng ernstig is om e-tol af te skaf, hulle ʼn formele dispuut met die nasionale regering moet verklaar kragtens die Raamwerkwet op Interregeringsverhoudinge en die remedies daarin vervat, uitput. Sou die remedies sonder welslae uitgeput word, moet die provinsiale ANC-regering die nasionale regering voor die hof daag.
“Die premier se reaksie was bloot dat daar geen dispuut bestaan tussen die provinsiale en nasionale regerings oor e-tol nie, wat die vermoede versterk dat premier Makhura en sy ANC-span gekapituleer het,” sê Alberts.
Hy sê die VF Plus vind dit uiters kommerwekkend dat groot ondernemings klaarblyklik op die altaar geoffer word om e-tol te bly betaal, terwyl maatskappye reeds hoog belas word. “Hierdie sogenaamde oplossing sal vir seker lei tot meer werksverliese namate ondernemings die e-tolkoste probeer absorbeer,” sê Alberts.
“Dis duidelik dat die ANC nie vertrou kan word wat die e-tolkwessie betref nie. Die VF Plus sal voortgaan met die stryd om e-tol heeltemal af te skaf,” sê Alberts.
VF julle moet onthou die verkiesing is verby, dus vir due volgende byna 4 jaar kan die ANC die dom kieser weer verniel.
Watter gedeelte van e-tol werk nie verstaan makhura nie
Haha! Die mense wat dit ingestel het en beheer!!!
Sanral skuld terug betaal moet word? Het die motoriste daardie skuld aangegaan?
Kon jy in 25 jaar al ooit ‘n ANC se word vertrou???? Klomp liegbekke!
Hoop hierdie groot maatskappye is die taxi bedryf ingesluit
Nee hulle kry mos als verniet net soos wat hulle branstof subsudie kry dit is hoekom hulle nie worrie as die brandstof prys op gaan nie maar vat dit weg dan steek hulle weer al die tankers aan die brand
Die anc kom terug op sy woord.
As mens elke keer as die anc iets sè presies die teenoorgestelde glo gaan jy baie naby aan die waarheid wees.
Geen maar geen selfrespek nie, jy kan hulle met bewyse teen hul liegstories toegooi dan kyk hulle jou reguit aan en trek net hul skouwers op, voel glad nie sleg nie.
Stop om alle e tol te betaal. Stop om belastings te betaal. Dwing die regering op hul kniee
En hoe stop jy om belasting te betaal as jou BAAS dit volgens wet MOET aftrek? Huh?
Oom Koos. Ek stem saam met jou. Die stelling “hou op belasting” betaal is so slim soos die gemiddelde ANC kieser se redenasies. Ons dink nie wat ons sê nie.
Ek skryf RETURN TO SENDER op my etol briefie as hy kom vir betaling….dan gooi ek hom maar net weer in die rooi posbus by die kafee….so vloei die siklus voort.
Wees maar verseker die belastingbetaler SAL op die ou einde die rekening betaal op een of ander manier. Daarvoor sal die finansiele kulkunstenaars van die ANC sirkus en sy narre sorg. “You can bet on it”.
Die ANC en regering kon nog nooit erken as hulle ‘n fout gemaak het nie.
Ek is seker die enigste ou wat nie verstaan hoekom die mense so teen e-tol is nie. Almal ry tolpaaie en betaal dit getrou. Nou wat is die verskil? En moenie kom met die storie met dit was bestaande paaie nie. Die meeste van ons tolhekke is ook op paaie wat reeds bestaan het. En moenie sê die belastingbetaler moet betaal nie. Hoekom moet ek betaal vir ‘n pad wat ek nooit ry nie. Die ou wat die pad gebruik moet daarvoor betaal. Die regering het egter ‘n groot fout gemaak met die e-tol want hulle het gedog die mense sal vanself betaal. Al wat in die toekoms gaan gebeur is tolhekke op daardie selfde paaie. Want iewers moet die geld vandaan kom. Daai pad is op skuld gebou. En julle wat hom ry trek die voordeel. Ek het lughawe toe gery met die R21 voor hy breer gemaak is. Dit was ‘n nagmerrie. Nou is hy lekker groot en breed. Maar iemand moet daarvoor betaal.
Onthou net – dan moet die ou wat Noord Kaapse paaie gebruik ook betaal om daai paaie te onderhou- min gebruikers, baie kilometers.
Bottom line – met die aantal voertuie/ekonomiese aktiwiteit per kilometer pad in Gauteng – subsidieer Gauteng se brandstof heffings, waarskynlik alreeds ‘n paar ander provinsies.
Die enigste logiese denke is dat almal – insluitend Taxis – wat die paaie gebruik daarvoor moet betaal.
Kenners het jare terug gese ‘n verdere brandstofheffing van 8c sou genoeg wees.
Ek sou dink dan moet almal betaal, taxis, busse, en almal wat op die spesifieke paaie vervoer word wat dan nou ook so lekker ry op die breër pad. Hoekom moet net sekeres betaal en ander nie? Ek bly in Pretoria en werk in Jet Park, besef jy wat is my rekening n maand? En nee, die storie van as jy di epad elke dag gebruik is daar n limiet is strooi, dit bestaan nie
Dit is waarom persoonlike belasting PLUS nog ‘n heffing op petrolprys betaal word. Nou wil jy ‘n storie vertel van ‘iemand moet daarvoor betaal’. Natuurlik betaal die belastingbetaler en die brandstof koper daarvoor. Nie so moeilik om dit uit te werk nie.
DIE ANC HET NOG NOOIT WOORD GEHOU NIE
Is dit enigsins NUUSWAARDIG?
Ons weet dit al solank as wat hiedie land se demokrasie bestaan
Ek dink die Taxis het die volumes en ekonomie van skaal om die kostes alleenlik te absorbeer!
Sal seker al die bek en teenstand op dit kry
Solank die ANC in beheer is, sal daar dadels van kom. DAARVOOR IS HULLE TE VEEL VAN ‘n KLOMP RUGSTEKERS!!
Ek wil ook graag kla maar weet julle wat, ek geniet dit vreeslik om julle klagtes te lees. Ek sit hier in die lekker land van ons en is elke aand dankbaar dat my bande heel is en my maag vol. Geen geklaery gaan iets verander nie want ons is maar net deel van Afrika. Ek was drie weke in Londen en ek se julle, 1 ste prys is ‘n week in Engeland en tweede prys is 2 weke daar en ek het derde prys gekry, waardeer wat julle het.