Een van die passasiers is tydens die ongeluk uit die voertuig geslinger. (Foto: ER24)
ʼn 30-jarige man is dood en twee ander beseer toe die voertuig waarin hulle gery het, gerol en in ʼn sloot beland het. Die voorval het Saterdagaand op die R580 tussen Evander en Secunda in Mpumalanga plaasgevind.
Volgens Ross Campbell, woordvoerder van ER24, het paramedici teen 23:23 op die toneel aangekom.
ʼn Man, vermoedelik in sy 20’s, is uit die voertuig geslinger en het sowat 15 meter van die wrak gelê. Hy het matige beserings opgedoen.
Die 32-jarige bestuurder en ʼn 30-jarige passasier was steeds in die motor. Die bestuurder het matige beserings opgedoen terwyl die passasier op die toneel dood verklaar is.
Die beseerde pasiënte is na nabygeleë hospitale vir behandeling geneem.
Ai, tragies
Dit is baie slegte nuus van sulke jong mense. Mens sal nie weet wat die direkte oorsaak van ongeluk was nie – maar ons paaie hier in MP is GLAD NIE VAN BESTE KONDISIE NIE.