EFF by etiekkomitee, MRK verkla

Malema sluit die deure van ‘n Clicks-winkel in Polokwane met ‘n ketting en slot (Foto: Verskaf)

Die DA het ʼn klag by die parlementêre etiekkomitee ingedien teen EFF-parlementslede wat glo die afgelope week by die Clicks-betogings betrokke was.

Die polisie het vroeër bekend gemaak dat ʼn EFF-LP in hegtenis geneem is in verband met die betogings. Die LP word aangekla van die beskadiging van eiendom, aanranding van ʼn polisiebeampte en verset teen inhegtenisneming.

Natasha Mazzone, DA-hoofsweep, het gesê die DA het ook ʼn klag teen die EFF-leierskap by die Menseregtekommissie aanhangig gemaak.

“Die EFF-leiers se gedrag op sosiale media en by winkelsentrums oor die hele land is afgryslik. Winkels is met petrolbomme bestook, werkers en klante is geïntimideer en lede van die media is hardhandig gehanteer terwyl hulle gepoog het om hul werk te doen.”

Volgens Mazzone is die EFF se regverdiging van die gewelddadige gedrag afgryslik en strydig met hul rolle as LP’s en hul plig om die beginsels van die Grondwet te handhaaf.

Hierdie geweld en vernietiging het die aandag afgetrek van die pyn en woede wat voortgespruit het uit Clicks se aanstootlike en ongevoelige advertensie, sê Mazzone.

“In geen daad wat die EFF hierdie week gepleeg het, was daar ʼn greintjie medelye met die werkers wie se lewensonderhoud afhanklik is van Clicks as hul werkgewer nie. Daar is nie gedink oor die verlies aan inkomste wat sou plaasvind terwyl winkels nie toeganklik is nie.”

Die EFF hou daarvan om te beweer dat hy daarop mik om armes tot ekonomiese vryheid te bemagtig, maar volgens Mazzone het die party baie min gedoen om hierdie woorde in werking te stel.

“Hulle hou daarvan om dit in die strate te skree en op sosiale media te skree, maar wanneer dit kom by aksie, bereik hul optrede presies die teenoorgestelde. Dit lei dikwels tot sporadiese beskadiging van ondernemings, wat noodwendig daartoe lei dat werkers – dikwels die armstes van die armes – finansieel swaarkry.”

Die DA het intussen ook die inhegtenisneming van tien verdagtes, onder wie die EFF-LP, in verband met die betogings verwelkom.

Andrew Whitfield, die DA se woordvoerder oor polisie, het gesê die party het Maandag strafregtelike klagte teen EFF-leier Julius Malema en sy party aanhangig gemaak.

“Hoewel ons die inhegtenisnemings en minister [Bheki] Cele se veroordeling van die gebeure verwelkom, doen ons ʼn beroep op die SAPD om toe te sien dat alle EFF-lede wat ʼn misdaad gepleeg het, ook Malema, in hegtenis geneem word.”

Volgens Whitfield meen die DA ook dat die EFF verantwoordbaar gehou moet word vir die skade wat aan Clicks-winkels aangerig is.

“Die party het deur sy optrede ʼn algehele miskenning van die oppergesag van die reg asook die beskerming van private eiendom getoon.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
lon

die EFF gee nie om vir sy mense nie, eintlik het hierdie advertensie niks met die wittes te doen gehad nie, hulle die EFF het dit ‘n ras ding gemaak, dit gaan nou weer JARE vat voor dit op die boekrol kom en miljoene later en hulle is nogsteeds daar. so gaan dit in vandag se tyd.

Adam Adriaan

Die DA mors hulle energie en tyd om dit na die nuttelose organisasie te verwys. Die MRK het tot dusver getoon dat hulle slegs een tipe klagte aanvaar en ondersoek. Die uitkoms is gewoonlik pateties en eensydig.

Johann

Dink seker nie rerig Julius en sy mede rooipetters steur hulle aan etiese gedrag nie? Vir hom en hulle gaan dit oor aandag, en of dit brand en breek en verwoes en intimideer vat, gewetenlose lafaards wat agter elke grassie n rassis sien.

En hy weet sy bagsbasis brand die land af AS hy ooit vervolg sou word. ANARGISTE uit die boek uit!

Tokkel

Julle, ons almal weet mos die EFF leef altyd inontkenning….. hulle breekaf, brandaf, laat agtergebelewendes nog armer word, maar hulle doen niks nie….Het ek al ooit gesien dat die EFF kospakkies uitdeel in Covid tyd? Het ons al ooit gesien dat hulle enige, maar enige mense ophef ?
Nee, maar waar daar skade aangerig word en Hitler gespeel word, hardloop hulle voor .
Ek dink nie hulle het skaamte wat hulle die jong jeug van SA leer nie, nee hulle maak van hulle liewers krimenele!!!

Genis

Hoe lyk daar Delema se kapsel ook so vaal..dalk die produk kry boet?