Egpaar op spog-landgoed doodgeskiet

(Argieffoto: Nico Strydom)

’n Egpaar en hul dogter is Dinsdag vroegoggend in wat lyk soos ’n gewapende roof in hul huis op ’n landgoed in Elandsfontein, Gauteng, geskiet. Die egpaar is op die toneel dood verklaar. Hul gewonde dogter is intussen na ’n hospitaal gehaas.

Hillel Coetzer, AfriForum se veiligheidshoof vir die Noordstreek, het aan Maroela Media gesê die voorval het vermoedelik tussen 04:00 en 06:00 op die Fly Inn-landgoed, sowat 24 km van die OR Tambo Internasionale Lughawe, plaasgevind.

Volgens Coetzer het drie aanvallers toegang tot die huis verkry waarna die man in die kop en sy vrou in die bors geskiet is. Die egpaar se dogter, vermoedelik in haar 20’s, is in die voorval in albei haar bene geskiet.

“Dit blyk of die [man] se liggaam in die sitkamer gevind is. Die vrou is in die gang op die tweede vloer gevind.”

Luidens inligting het paramedici die vrou op die toneel behandel voordat sy aan haar beserings beswyk het. Die egpaar se dogter is vanoggend per lugambulans na ’n hospitaal gehaas vir mediese behandeling.

Volgens Coetzer is ’n beursie en skootrekenaar gesteel. Niemand is nog in verband met die voorval in hegtenis geneem nie.

Die owerhede is in dié stadium steeds op die toneel.

Maroela Media het ’n navraag aan die polisie gerig en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Rudolf

Twee lewens vir `n beursie en skootrekenaar ? Ons is dieper in die moeilikheid as wat ons besef…….

Jannie van Niekerk

‘n Landgoed volgens my definisie is ‘n plaas .Nou word ‘n plaasaanval alweer net ‘n rooftog genoem. Misdadigers neem die SAPD nie ernstig op nie want hulle weet die regering is seekre misdade goedgesind. Plaasaanvalle en korrupsie is maar net twee om te noem.

Misky

Dit raak nou daagliks erger en erger….. Iets sal daadwerklik gedoen moet word en bid alleen werk nie. Ons sal self moet opstaan en standpunt inneem

Werner

Wel soos die mense geskiet is lyk dit eerder of hulle daar was om hulle dood te maak lyk nie soos n roof nie

Monique

Rooftog !!! Die man is geteiken hulle het presies geweet wat hulle doen en wat sy roetine is.