Elsenburg: Interdik kom teen studente wat ‘nie oplossing wil vind’

'n Skermskoot uit die video.

‘n Skermskoot uit die video.

Die Wes-Kaapse departement van landbou gaan om ʼn hofinterdik aansoek doen om te verseker dat lesings by die Elsenburg-landboukollege normaal kan voortgaan sonder ontwrigting deur betogers.

Dit kom nadat ʼn gewelddadige betoging Dinsdag by die landboukollege uitgebreek het, waartydens studente deur betogers met swepe en sambokke geslaan is. Die betogers was glo lede van die Ekonomiese Vryheidsvegters (EFF).

Petro van Rhyn, woordvoerder van die departement, het gesê hoewel die kollege bereid is om ʼn inklusiewe benadering tot onderrig te volg waar alle studente se griewe hanteer word, is daar ʼn groep studente wat geen begeerte het om ʼn oplossing te vind nie. “Hierdie groep studente weier om deel van die bemiddelingsproses te wees. Dit is hulle reg. Ons sal egter nie toelaat dat enige student die voortsetting van onderrig by die instansie ontwrig nie,” het sy gesê.

Van Rhyn het ook gesê behalwe vir die interdik, het die instansie ook bykomende veiligheidsmaatreëls by die kollege ingestel om te verseker dat orde gehandhaaf word en lesings kan voortgaan.

“Ons betreur die optrede van hierdie klein groepie studente en die eksterne partye wat hulle ondersteun, asook hul gewelddadige optrede [Dinsdag].  Van ons kant af sal ons die oortreders sover moontlik probeer identifiseer en indien hulle studente is, sal daar beslis dissiplinêr teenoor hulle opgetree word,” het sy gesê.

“Ons moedig ook studente aan wat deur die aksie geraak is, om kriminele klagtes in te dien sodat die polisie kan optree.  Hulle is ook welkom om klagtes by die bestuur van die Elsenburg-kollege aanhangig te maak.”

Volgens Van Rhyn is ʼn taakspan aangestel om met studente en sleutelrolspelers te vergader om ʼn nuwe taalbeleid by die kollege te ontwikkel. Onafhanklike bemiddelaars is ook aangestel om die transformasieproses by die instansie te fasiliteer en konflikoplossing tussen studente, dosente en administratiewe personeel te bewerkstellig.

“In die kort termyn sal lesings gedupliseer word sodat dit in beide Engels en Afrikaans aangebied word op verskillende tye. Dit gee studente die keuse om te kies met watter taal hulle die gemaklikste is. Die ontwikkeling van ʼn nuwe taalbeleid is reeds aan die gang en vorm deel van die breër transformasieproses wat geïmplementeer word om inklusiwiteit en kwaliteitonderrig te bevorder.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Maggie

Die Kollege moes vroeer opgetree het!! hoe durf hulle sulke dinge toelaat, julle papbroeke.

Rita

Die kamtige studente wat die oproer veroorsaak word aangery, hulle is nie eers studente nie. Niks in hierdie land mag werk nie. Hulle sal aanhou met oproer, al is elke skool en elke universiteit engels. Alles moet tot op die grond afgebreek word. Dan eers sal hulle tevrede wees.

Kaspaas

Hoekom as dit by wittes kom moet altyd vir n interdik aansoek gedoen word om die polisie te dwing om te doen waarvoor hulle in alle geval betaal word wn dit is om lewens te beskerm ongeag ras. Duidelik voers SAPS net hulle mandaat van die regering uit en beskerming van blankes tel nie daar onder.

Maddox

Ek hoop net dat die jong wit man wat gister so geslaan is met die sweep ‘n massiewe eis instel teen die kollege. Hulle moes sorg dat die studente veilig is om te studeer. Hy moet ook die een wat hom geslaan het laat aankla van aanranding. Hoog tyd dat die blankes ophou om hierdie jammer- dat- ek- lewe houding te openbaar, en op te staan vir sy regte.
Ons is niemand se skuwwies nie!!!!!!

VerVanRyn

Nou moet die wit man leer deur sy toenemende toetrede en blootstelling tot openabare protes dat hy nooit onvoorbereid moet wees nie. As die wetteloses gewapend optog doen moet die wetsgetroues hulself beskerm. Om rond te loop in ons “veilige en welvaarende post-apartheid” samelewing sonder om heeltyd gereed te wees vir geweld is baie onverantwoordelik. Afrikaans is onbetwyfelbaar die teiken van ‘n politiese agenda en die agenade raak al meer geweldadig van aard. Net mamparas en dwase kan dit ontken en net mamparas en dwase maak nie gereed vir moeilikheid nie.