Foto’s: Chaos op M7 by Durban ná gru-ongeluk

Minstens een persoon is dood en tientalle ander beseer in die ongeluk op die M7 naby Durban. (Foto: Netcare 911)

Tientalle nooddienswerkers en twee helikopters is Woensdagoggend na ʼn toneel op die M7 naby die Bellvilleweg-afrit by Durban ontbied, nadat drie vragmotors, waaronder ʼn tenkwa en ʼn konstruksievragmotor, in ʼn ongeluk betrokke was.

Die bestuurder van die vragmotor is op die toneel dood verklaar en minstens vyftien ander mense is beseer, het Garrith Jamieson, woordvoerder van Rescue Care, gesê.

Twee van hulle is in ʼn ernstige toestand en is met helikopters na nabygeleë hospitale geneem.

Buiten die drie vragmotors was nóg ses voertuie in die ongeluk betrokke. Verskeie van die voertuie het in die botsing aan die brand geslaan.

“Verskeie pasiënte is op die bane in al twee rigtings aangetref, soos wat mense van die vlamme probeer vlug het,” het Jamieson gesê.

Die pad is vir verkeer in albei rigtings gesluit en groot verkeersopeenhopings is veroorsaak terwyl nooddienswerkers die situasie onder beheer gebring het.

Arrive Alive het motoriste gewaarsku dat vertragings op die pad nog ʼn geruime tyd gaan duur.

Die polisie sal die oorsaak van die ongeluk ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

23 Kommentare

Die is nie spoed nie, dis 'n idioot wat nie padreels volg nie. ·

Plaas dit eerder..

Stuiwer ·

Mense, ek was een maal op die R21 toe ‘n petroltenk aan die brand slaan. Seker 5 ure daar vas gesit.

Hennie ·

Eintlik nie, onpadwaardige voertuie, onbekwame bestuurders, trokke wat in bane is waar hulle nie hoort nie die lys gaan aan. As spoed die probleem was hoekom ondervind die Duitsers nie sulke probleme op die Autobahn nie?

Kiepkiep ·

Dan praat ons nie eers van cell fone nie. Ek vertrou eerder n ou wat te vinnig ry as idiote wat op cell fone praat terwyl hulle ry en praat of selfs boodskappe stuur of antwoord.

Dienkie ·

Ek stem saam dat spoed ‘n ongeluk kan veroorsaak, maar is van mening dat die grootste oorsaak van padongelukke is motoriste wat nie die verkeersreels nakom nie en ry soos hulle wil.

AndrewL ·

Dit moet spoed wees. Vra maar vir Arive Alive hoeveel geld uit spoedoortredings gemaak word ivg met ander oortredings. Kul jou hier, en kul jou daar, en siedaar! Punt bewys.

Karolis ·

Nie een van daai spoedoortredings is aan ‘n ongeluk gekoppel nie.
Kul jouself. LoL

Listen Linda ·

Mense hier kan van spoed tot vragmotor bestuurders skuldig wees. Hulle ry net soos hulle wil omdat hulle groot en magtig is en motoriste het nie geduld weer met stadige vragmotors voor hulle- so hier is ‘n kul jou hier en kul jou daar ‘n moontlikheid

Kiepkiepweer ·

Listen Linda ek wil amper myself verstout en sê baie van vragmotorbestuurders is oor die algemeen heel ordentlik wat hulle pad maniere betref. Ek dink baie keer vat mense n kans om voor trokke in te draai of in te druk en besef nie hoe moeilik om trok te stop op short notice. So kul jou hier en kul jou daar poef paf is daar n ongeluk. Jammer mense is dood of verbrand. Dit moet aaklig wees. AndrewL wat boetes vir spoed aanbetref was daar nie altyd n grap oor jy kan sien dit is bonustyd wat opkom. Jy sien nie soveel boetes vir enige ander padoortredings.

PIETER ·

Ek bly daar naby. Ry elke dag daardie pad. Die toestand van die pad laat veel te wense oor. Al ry jy watter spoed, een oogwink en die pawpaw is in die fan.

yup ·

Ja Pieter – ek het ook daai pad baie gery. Dis in so slegte kondisie dat jy nie weet om in watter baan te wees nie en jy hop rond soos nog iets!

AndrewL ·

Kiepkiep, jy sien darrem amper die lig en jy lees darrem ook beter.

Leon ·

As jy ooit daardie pad gery het sal jy weet die vragmotors verwissel van baan sonder om aanduiding te gee. Hulle ry sommer maar net. Dit het al menige ongelukke veroorsaak.
meer as die helfte van die ongelukke en die oorgrote meerderheid van sterftes op die pad word deur vragmotors en busse veroorsaak. Die seerpunt is, hulle veroorsaak dit en ry dan net leeker voort sonder dat hulle self betrokke is. Totaal onbewus van die dood en chaos wat hulle agter hulle saai en agterlaat. Die taxis is selfs minder verantwoordelik vir ongelukke.
Ry maar net met die N# Natal toe en terug en jy sal weet.Totaal onbevoegde en ongekwalifiseerde vragmotor en busbestuurders. Dit help nie jy verlaag die snelheid op die pad nie. Hulle kan verwoesting saai teen 40 tot 60 km/u.

Julie Jansen van Rensburg ·

Glo dit as julle wil, maar ek is in mylang lewe in nie minder nie as SEWE kategorieë getoets en oorlé pa was iemand wat dit by my ingehamer het: “VEILIGE BESTUUR IS ABSOLUUT NOODSAAKLIK – onthou, padtekens en reëls is nie daar om die landskap te ontsier nie, maar om die dood van die pad af te hou. Onthou, jy bestuur NIE net vir jouself nie, maar ookvir die ander “BLêDDIE ” idiote op die pad … My laaste lisensie het sowat 4 jaar gelede verval weens my lang lewensjare toe my kinders vir my absoluut belet om weer alleen agter ‘n stuur te klim. Ai=toggie – ek wonder hoeveel “bestuurders”het hulle lisensies eerlik bekom en hoeveel is gekoop? Ek reken meer as wat ons besef…

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.