Suid-Afrikaners het Maandag ʼn aansienlike daling in temperatuur beleef met swaar sneeu wat in die omgewing van Harrismith in die Oos-Vrystaat en op die N3 by die Van Reenenspas in KwaZulu-Natal uitgesak het.
Teen laatmiddag het die sneeu nog plek-plek dik gelê.
Ysreën en hael is ook op plekke, waaronder Johannesburg in Gauteng en Brits in Noordwes, aangemeld.
Hailstorm has hit brits pic.twitter.com/CQtMXBYWHo
— Daniel Marven (@danielmarven) October 30, 2023
Anita Heyl, woordvoerder van die N3-tolkonsessie, het padgebruikers vanoggend voorberei op koue weer.
“Maak voorsiening vir warm klere en komberse, water, kos en basiese mediese voorrade in jou voertuig, sou onverwagte vertragings of noodgevalle voorkom.”
Teen laatmiddag het Heyl laat weet dat daar geen verdere sneeuval langs die N3 aangemeld is nie. Daar was ook geen ernstige voorvalle wat die verkeersvloei ontwrig het nie.
“Koue en nat weerstoestande duur egter voort en die N3-tolkonsessie doen ʼn beroep op padgebruikers om ekstra versigtig op die paaie te wees,” het Heyl gesê.
Die koue weersomstandighede volg nadat ʼn groot deel van die land verlede week nog behoorlik gesweet het weens die versengende hitte.
Maroela Media het vroeër berig die oorsaak van die nat, koue toestande is ʼn kombinasie van twee weerstelsels: Eerstens, ʼn sterk oppervlak-hoëdrukstelsel wat koue, vogtige lug oor die suidoostelike en oostelike kus en binneland meebring. Tweedens is daar die ontwikkeling van afwaartse druk oor die sentrale binneland wat reën oor die oostelike provinsies kan veroorsaak. ʼn Verdere faktor wat die waarskynlikheid van en hoeveelheid reën kan raak, is die tropiese aard van die lugmassa.
Free State – Harrismith: #SNOW pic.twitter.com/ktpcob9OGQ
— TrafficSA (@TrafficSA) October 30, 2023
Free State – N3 Route: #SNOW falling in the Harrismith area pic.twitter.com/b1gS0NpWHM
— TrafficSA (@TrafficSA) October 30, 2023
WATCH | It's not a good day to be out on the roads in some parts of SA. A thick blanket of snow has covered the N3 before Montrose. pic.twitter.com/0xqntbEIzk
— Nivashni Nair (@NivashniNair) October 30, 2023
N3 from Harrismith/Montrose snow falls, drive with caution pic.twitter.com/5sEQeOUhfa
— His Majesty (@MatlolaneN) October 30, 2023
Snow N3 Harrismith towards Warden. Slow down. pic.twitter.com/NkslFne7C6
— Road Angels Traffic Information (@Road_Angels_SA) October 30, 2023
Bibberkoue weer in Noordwes
Selfs Durban is koud.
Nee kyk net as jy dink die winter is verby dan kom hy weer
In elk geval beter as die vreeslike hitte wat ons gehad het
Welkom terug Winter.
Die weer is net so deurmekaar soos die regering…
Ooo wee – Iemand het vir Elsa (Frozen) vieslik kwaad gemaak… en hier dog ek dit is so koud omdat daar gese was dat dit gaan sneeu as die Bokke weer die beker wen. Mmm – ek sal maar onder my ou Blou kombersie sit – want my Bloed is mos Blou (en nee dis nie net omdat ek koud kry nie – oogknip en glimlag vir jou wat hier lees) Dankie baie en lekker dag. Bly warm.
Enige iemand wat hierdie as “normaal” probeer afmaak, is of uiters dom, of uiters verdag