Foto’s: Geweld, verkeerschaos wyl taxi’s staak

Taxi’s vroegoggend op die N1 tussen Pretoria en Johannesburg. (Foto: @crimeairnetwerk/Twitter)

Duisende mense is Woensdagoggend gestrand gelaat weens die Nasionale Taxi-alliansie (NTA) se een dag lange staking in Pretoria. Enorme verkeersontwrigting is oor groot dele van die hoofstad aangemeld en talle mense kon glad nie by die werk aanmeld nie.

In Orchards, in die noorde van die stad, is ʼn bus van die Tshwane-metro vroegoggend gekaap, oënskynlik deur lede van die NTA. Die busbestuurder het noodgedwonge weggehardloop.

Dikeledi Selowa, burgemeesterkomiteelid vir paaie en vervoer in die Tshwane-metroraad, het die kaping ten sterkste veroordeel en gesê dit druis in teen die onderneming wat die bedryf Dinsdag gegee het dat hy vreedsaam sal betoog.

Taxi’s ry teen ‘n slakkepas deur Centurion op pad na die Pretoriase middestad.

“Ons moes die besluit neem om ons busdiens op te skort om ons bates en die lewens van ons busbestuurders en pendelaars te beskerm,” het Selowa gesê.

Vir leerders wat ná ʼn reeds moeilike jaar weens die Covid-19-pandemie in hierdie stadium eksamen skryf, het die staking ook hoofbrekens besorg.

Panyaza Lesufi, LUR vir onderwys in Gauteng, het gesê leerders sal toegelaat word om tot ʼn uur laat vir ʼn eksamen aan te meld. Hulle mag ook ʼn eksamen aflê by die skool naaste aan hulle.

Motoriste op die Ou Johannesburgpad in Centurion is volgens berigte met klippe bestook en op Solomon Mahlangu-rylaan in die ooste van die stad het verkeer plek-plek tot stilstand gekom.

Gedeeltes van die N1-hoofweg word ook sedert vroegoggend deur taxi’s versper wat teen ʼn slakkepas gery of soms heeltemal stilgehou het. Die taxi’s is op pad na die Pretoriase middestad waar hulle bymekaar sal kom.

Die taxibedryf eis onder meer die vinniger uitbetaling van geld ingevolge die Werkloosheidsversekeringsfonds (WVF) se TERS-program wat toelae betaal aan diegene wat deur die Covid-19-afsonderingstydperk geraak word.

Hulle ruk op na die departement van vervoer asook die Uniegebou waar hulle memorandums aan onderskeidelik die minister van vervoer en die president oor hul griewe wil oorhandig.

Die N1-hoofweg in die omgewing van Buccleuch. (Foto: Rob Beezy/Twitter)

Van der Hoffweg in die weste van Pretoria word deur taxi’s versper. (Foto: Tidimalo/Twitter)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Werner

Dink n Vyfde wereldland se standaarde is veels te hoog vir hierdie regering

Persheks Adri

Taxi’s en vreedsame betogings in een sin nee! Nou demand hulle al WEER pffft kyk hoe gaan die regering in gee en spring oor hulle so bang is vir die klomp tsssk

Adriaan

Waar is daai dapper speedcops wat Witmense laat in die aand so braaf rondruk nou?

Mariana

Nee regtig hoe is dit dat stakings en optogte als kan lamlê. Hoekom het hierdie mense so baie mag? Daar is regtig groot fout dat die regering nie ingryp met hierdie tipe goed nie. Almal maak en breek nes hulle wil. Geen wet en orde…….of dit tel net vir sekeres.

Blikke

Behalwe om motors onder die klippe te steek en n bus of twee te kaap, belowe ons n vreedsame optog…..ons is mos nie gewelddadig nie?