Foto’s: Hordes mense sak op Senekal toe

Hordes mense van verskillende organisasies en groepe het Vrydagoggend op Senekal in die Vrystaat toegesak te midde van ʼn groot polisieteenwoordigheid.

Die twee verdagtes wat aangekla word van die moord op die jong plaasbestuurder Brendin Horner (21) verskyn vandag weer in die Senekal-landdroshof.

Woede het verlede Dinsdag by die hof oorgekook tydens Sekwetje Mahlamba en Sekola Matlaletsa se verskyning. Honderde mense het na die hof opgeruk in ʼn spontane betoging teen landelike misdaad. ʼn Polisievoertuig is egter onder meer omgekeer en het aan die brand geraak. Skade is ook aan die hofgebou aangerig.

Die EFF het in reaksie hierop gesê hy sal vandag van sy lede na Senekal stuur om die “demokrasie en eiendom te beskerm”. Hordes EFF-lede het reeds vroegoggend in die dorp aangekom. Talle het knopkieries en selfs gholfstokke by hulle gehad en dit in die lug geswaai terwyl hulle gesing en gedans het.

AfriForum se lede en ondersteuners het ook op die dorp byeenkom om ʼn vreedsame protesoptrede teen plaasterreur te hou. Die polisie het verskillende persele aan die onderskeie groepe toegeken waar hul protesaksies kan plaasvind.

Die verdagtes sal na verwagting binnekort in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
Dries

Wat presies dan al hierdie ‘ander’ groepe daar, anders as om te se: “Julle is nie geregtig daarop om kwaad te wees oor ‘n moord nie! Maar ons mag kwaad wees oor ‘advertensies’!” Hoe belaglik is dit???

Mariana

Kom met knopkieries en stokke, hoekom, om amok te maak. Vreedsaam ken hulle nie. En dit vir twee gewoonte misdadigers, moordenaars. Sal teen vanaand sien wat berig word. Wie het wat gebrand en verniel.

Jack Russ1

Daar is net een rede hoekom hulle daar is, en dit is nie om teen die brutale moord te betoog nie, maar om die wit mense te tart. Kyk maar na die plakate, absoluut niks met die saak te doen nie

Susan

EFF is daar om die boere te tart , hulle beskerm nie eiendom of demokrasie nie hulle breek dan alles af wat ‘n grap.

Theo

Boere protes teen moord en die EFF en ANC protes teen witmense maar ons is die rassiste?