Die bestuurder van ʼn silwerkleurige Hyundai ix35 het weggehardloop ná hy Sondagoggend in ʼn huis in Prickly Pearweg in Waterloo, KwaZulu-Natal, vasgejaag het.
Lede van Reaction Unit South Africa (RUSA) het net ná 06:00 by die toneel aangekom. Die motor het op sy sy langs die huis gelê. Die huis se sitkamermuur het omgeval.
ʼn 29-jarige man het geringe beserings opgedoen toe die puin hom getref het.
Volgens ooggetuies was die bestuurder van die motor vermoedelik onder die invloed van alkohol voor hy weggehardloop het.
Hy het dus lekker gedryf, mooi man, die koordinasie was bietjie uit.
Arme inwoners. Hoop hy boet vir sy dade en herstel hulle huis.
Hy weet hoe om ń kar te parkeer
Mooi, die voertuig se nommerplaat inligting moet die skuldige mos maklik laat aankeer of is dit weer ‘n geval waar die skuldige vir maande gesoek gaan word.
Wag n bietjie, dis nie die KFC drive through wat hy wou gehad het nie
Duidelik nie dronk genoeg gewees nie – hy kon nog weg hardloop na die tyd.
Ek twyfel of hy die kar se wettige eienaar is.